İrandan Azərbaycana gətirilən narkotiki satmaqda şübhəli bilinən şəxs tutulub

Bərdədə qaçaqmalçılıq yolu ilə ölkə ərazisinə gətirilən 2 kiloqram tiryək aşkarlanıb.

Şəffaflıq.az xəbərinə görə, Bərdə Rayon Polis Şöbəsinin əməkdaşlarının keçirdikləri əməliyyat tədbirləri nəticəsində əvvəllər dəfələrlə məhkum olunan Seymur Əliyev İrandan qaçaqmalçılıq yolu ilə gətirilən narkotiki satmaq istəyən zaman saxlanılıb. Onun üzərindən və evindən 2 kiloqramdan artıq tiryək aşkarlanıb.

Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib. Araşdırmalar davam etdirilir.