ABŞ Talibanla sülh danışıqlarını qısa müddətə təxirə salır – Vaşinqtonun xüsusi elçisi
13-12-2019, 20:09
Birləşmiş Ştatların Taliban silahlı qruplaşması ilə sülh danışıqlarında “qısa fasilə” verilir.
Bunu Əfqanıstanda ABŞ-ın əsas bazası üzərinə hücumdan sonra Vaşinqtonun xüsusi elçisi Zalmay Xalilzad deyib.
Şəffaflıq.az "Azadlıq org-a istinadən bildirir ki, iki gün öncə - dekabrın 11-də Baqram hərbi bazasına hücum zamanı Taliban yaraqlıları azı iki əfqan dinc sakini öldürüb, 70-dən çox adama yaralayıb. Yaralılar arasında 5 gürcüstanlı əsgər də var.
Talibanla danışıqlar ötən həftə bərpa olunmuşdu. Təxminən 3 ay öncə Prezident Donald Tramp danışıqları qəfil dayandırmışdı.
“Bu gün taliblərlə görüşəndə Baqram bazasına dünənki hücuma görə qəzəbimi ifadə etdim. Taliban əfqanların sülh arzusuna cavab verməyə hazır olduğunu nümayiş etdirməlidir”, – Əfqanıstan doğumli ABŞ diplomatı tvitində yazıb.
Danışıqların bərpasından öncə Tramp Şükranlıq bayramında Əfqanıstanda ABŞ əsgərlərinə baş çəkib, “Talibanın saziş istədiyinə” ümidvar olduğunu bildirib.
Geri qayıt