“Azərbaycanın Milli Qəhrəmanı Çingiz Mustafayevin adını daşıyan radiostansiyanın 102 FM tezliyi satışa çıxarılıb”.
7-12-2019, 09:44
“Azərbaycanın Milli Qəhrəmanı Çingiz Mustafayevin adını daşıyan radiostansiyanın 102 FM tezliyi satışa çıxarılıb”.Şəffaflıq.az xəbər verir ki, bu barədə fəaliyyətini dayandırmış ANS-in keçmiş prezidenti Vahid Mustafayev məlumat verib.
Belə ki, Milli Televiziya və Radio Şurası (MTRŞ) yeni radio kanalının yaradılması ilə bağlı müsabiqə elan edib. Belə ki, 102,0 MHz tezliyi üçün müsabiqə Bakı və Abşeron ərazisində noyabrın 12-dən dekabrın 12-dək keçiriləcək. 102,0 MHz də bağlanan ANS ÇM radiosunun tezliyi olub.
“Axı Azərbaycan Radio yayım diapazonunda hələ 30-40 boş tezlik var, niyə məhz Çingizin 102 FM-inə tender elan edilməli idi?! Çingiz Mustafayevin 60 illik yubileyi ərəfəsində, MTRŞ tərəfindən həyata keçirilən bu əməliyyatın məqsədlərini bilmirik. Amma biz də, Milli Qəhrəmanın adını daşıyan əfsanəvi radio tezliyi qorumaq üçün, çətinliklə də olsa, bəhanələrə baxmayaraq, bu tenderə qatıldıq. Artıq məlumdur ki, bizdən başqa tenderə 2 media qurum da müraciət edib”, - deyə V. Mustafayev bildirib.
Geri qayıt