“Naxçıvan Bank”ın səhmləri dövriyyədən çıxarılır

“Naxçıvan Bank” ASC-nin “E-Kredit" MMC bank olmayan kredit təşkilatına (BOKT) çevrilməsi ilə əlaqədar Bankın səhmləri dövriyyədən çıxarılır və ləğv edilir.

Şəffaflıq.az bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, söhbət "Naxçıvank Bank"ın 94 000 000 manatlıq nizamnamə kapitalını təşkil edən, hər birinin nominal dəyəri 94 manat olan 1 000 000 ədəd səhmdən gedir. Bunun 531 915 ədədi Bankın səhmdarlarının ötən il dekabrın 5-də keçirilmiş ümumi yığıncağında geri satın alınıb.