“Bakı Hövsan Beynəlxalq Dəniz Limanı”nın səhmdarlarının sayı azalıb

Bu il yanvarın 1-nə “Bakı Hövsan Beynəlxalq Dəniz Limanı” ASC-nin 432 səhmdarı olub.

Şəffaflıq.az səhmdar cəmiyyətinin maliyyə hesabatına istinadən xəbər verir ki, bu, ötən il yanvarın 1-i ilə müqayisədə 4 vahid və yaxud 0,9 % azdır.

Hesabat dövründə müəssisənin əsas səhmdarı 96,0297 % payla "LOTOS-S" MMC qalıb, payçı fiziki şəxslərin sayı isə 435-dən 431-ə düşüb.

Xatırladaq ki, “Bakı Hövsan Beynəlxalq Dəniz Limanı” 2003-cü ildə yaradılıb. Onun nizamnamə kapitalı 2 966 434 manatdır.