Sumqayıtda avtomobilin vurduğu 68 yaşlı qadın xəstəxanada ölüb

Sumqayıtda piyadanın ölümü ilə nəticələnən yol-nəqliyyat hadisəsi baş verib.

Şəffaflıq.az-ın yerli bürosu məlumat verir ki, hadisə şəhərin Sahil küçəsində qeydə alınıb.

Belə ki, Alim Nemət oğlu Tağıyevin idarə etdiyi “Mercedes” markalı avtomobil piyada, 1956-cı il təvəllüdlü Umkürsüm İslam qızı Abdullayevanı vurub.

Yaralı xəstəxanaya çatdırılsa da, onun həyatını xilas etmək mümkün olmayıb.

Faktla bağlı araşdırma aparılır.