Lənkəranda yaşayış binasında yanğın olub, 90 yaşlı qadın yanaraq ölüb

Lənkəranda yaşayış binasında yanğın olub, 90 yaşlı qadın yanaraq ölüb.

Şəffaflıq.az-ın cənub bürosunun məlumatına görə, hadisə Girdəni kəndində baş verib.

Belə ki, ikimərtəbəli, 16 mənzilli binada yanğınla bağlı Lənkəran Dövlət Yanğından Mühafizə Hissəsinə məlumat daxil olub. Şəxsi heyət və FHN -nin Cənub Regional Mərkəzinin xilasediciləri hadisə yerinə cəlb olunub.

Yanğının söndürülməsi zamanı mənzillərin birində 1934-cü il təvəllüdlü Əcəbnaz Əsgərəli qızı Əsgərovanın meyiti aşkar edilib. Bina sakinlərindən başqa xəsarət alan olmayıb.

Hadisə yerinə hüquq-mühafizə orqanları əməkdaşları baxış keçirib. Meyit müayinə üçün morqa təhvil verilib.

Fakt üzrə rayon prokurorluğunda araşdırma aparılır.