BƏƏ Qəzza zolağına 400 ton humanitar yardım çatdırıb
5-05-2024, 21:40
Birləşmiş Ərəb Əmirlikləri (BƏƏ) Qəzza zolağına 400 ton ərzaq çatdırıb.
Şəffaflıq.az xəbər verir ki, bu barədə WAM xəbər agentliyi məlumat yayıb.
Göndərmə Amerikanın “American Near East Refugee Aid” QHT ilə əməkdaşlıq çərçivəsində həyata keçirilib. Çatdırılmış humanitar yardım partiyası Qəzza zolağının şimal hissəsinin sakinləri üçün nəzərdə tutulub və 120 minə yaxın insanı ərzaqla təmin edəcək.
Agentlik qeyd edib ki, 2023-cü ildə Qəzza zolağında Fələstin-İsrail münaqişəsinin gərginləşməsi başlayandan bəri BƏƏ anklava ərzaq və dərman da daxil olmaqla 31 min tondan çox humanitar yardım çatdırıb. Bundan başqa, BƏƏ Qəzza zolağında beş avtomatlaşdırılmış çörək zavodu tikib və altı duzsuzlaşdırma qurğusu quraşdırıb.
Geri qayıt