Türkiyə Azərbaycanın sığorta sektorunda lazımi infrastrukturun qurulmasına dəstək göstərəcək

Türkiyə Sığorta Birliyi Azərbaycanın sığorta sektorunun tələblərini nəzərə alaraq lazımi infrastrukturun qurulması üçün dəstək göstərəcək.

Şəffaflıq.az xəbər verir ki, bu barədə Türkiyə Sığorta Birliyinin sədr müavini Ahmet Yaşar bu gün Bakıda keçirilən "Insurtech" zirvə toplantısında deyib.

"Qarşıdakı illərdə Azərbaycanla sığorta sektorunda mühüm layihələr həyata keçiricəyimizə inanırıq. Türkiyə sığortaçılarının təcrübələrini də bölüşməyə hazırıq və bu istiqamətdə əlimizdən gələni edəcəyik", - A. Yaşar bildirib.