BQXK-nin Xankəndidəki ofisi fəaliyyətini dayandırmayıb

"Beynəlxalq Qızıl Xaç Komitəsinin (BQXK) Xankəndi ofisi hazırda fəaliyyətini davam etdirir. Əməkdaşlarımız ev-ev gəzərək orada qalan insanları tapmağa çalışırlar".

Şəffaflıq.az xəbər verir ki, bu fikirləri BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova jurnalistlərə açıqlamasında deyib.

"Ailələrin qovuşması yönündə fəaliyyət göstərir, ehtiyacı olan insanları təxliyə edirik. Bu həm ailə qovuşması, həm də tibbi baxımdan ola bilər. İnsanların ailələrinə qovuşmasına yardım göstəririk", - o bildirib."Report"