Günün qoroskopu: Sükan arxasında çox vaxt keçirməyin.

Şəffaflıq.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - çətin, qarışıq gündür. Bəzi probelmlərə hazır olsanız da, xoşagəlməz gözlənilməzliklər istisna deyil. Belə problemlərdən birinin həlli olduqca çətindir. Maliyyə itkiləri, uğursuz anlaşma və sövdələşmələr ola bilər.

Çoxdan bəri vaxt və qüvvə sərf etdiyiniz işin günün ikinci yarısında ləngidiyini anlayacaqsınız.

Səbrsiz, emosional olmayın. Neqativ hisslərin öhdəsindən gəlməsəniz, yaxınlarınızla ixtilaflar yaşanacaq. Soyuqqanlı və qayğıkeş olun. Toqquşmanı və incikliyi unudun. Yaxın ətrafınızdakı insanları incitməyin.

Buğa - günün ilk yarısı sakit və rəvan olacaq. Maraqlı işlər və əhvalınızı yaxşılaşdıracaq görüşlər zamanıdır. Yaşam potensialınızın səviyyəsi yüksək olacaq. Fiziki işdən yayınmayın.

Günün ikinci yarısında durum daha çətindir. Bir tərəfdən yeni imkanlar yaranırsa, digər tərəfdən həmin imkanlardan faydalanmaq üçün vaxt həddən azdır. İmkan və bacarıqlarınıza şübhə etməyin. Əhvalınızı pozmayın. Sizi dəstəkləyə biləcək insan yanınızda olarsa, əladır.

Axşam saatlarında normal istirahət edin.

Əkizlər - həftənin ən yaxşı və uğurlu günüdür. Müsbət təmayüllərin təsiri güclənir və yaşamınızın bütün sahələrində özünü büruzə verir. İstədiyiniz, maraqlandığınız işlə məşğul ola bilərsiniz.

Günün ikinci yarısında sizi çoxdan bəri narahat edən problemi çözmək imkanları yaranacaq. Cavab aradığınız sual aradan qalxacaq. Diqqətli və ehtiyatlı olun. Axşam saatları problem vəd edir. Həddən artıq sərvaxt davranmağınız gərəkdir.

Xərçəng - günün ilk yarısında qəfil təklif alacaqsınız. Darıxdığınız və ya görüşmək istədiyiniz insanla qarşılaşacaqsınız. Yaxınlarınızla təmaslarda səmimi və soyuqqanlı olun. Ətrafınızdakı insanlar bunu dəyərləndirəcəklər. Yeni tanışlıqlar və romantik təmaslar istisna deyil.

Günün ikinci yarısında təşəbbüskar olun. Qarşı tərəfi də apatiyadan qurtarmağa səy göstərin. İşgüzar maraqlarınızı təmin edin. İşə diqqətlə, məsuliyyətlə yanaşın. Maliyyə məsələləri ilə bağlı qərar qəbul etmək, alış-verişə yollanmaq olar.

Şir - laübəli, qarışıq, gərgin gündür. Lakin saatlar keçdikcə müsbət təmayüllərin təsiri güclənəcək. İstənilən halda neqativ emosiyaların əsirinə çevrilməyin. Əvvəlcədən hazırlanmış planlara dəyişikliklər etmək və ya bəzi maraqları qurban vermək zərurəti yaransa belə, ruhdan düşməyin. Az sonra ədalət zəfər çalacaq.

Günün ikinci yarısında münaqişə və ya mübahisədən yayınmaq mümkün deyil. Ən yaxın insanla təmaslarda anlaşılmazlıqlar müşahidə olunur. Kəskin danışmayın, qayğıkeş davranmağa çalışın. Yaxın ətrafınızdakı insanlar indi xeyli emosionaldırlar.

Qız - mühüm və böyük işə başlamaq olar. Amma bilin ki, gözlədiyinizdən fərqli olaraq ilk addımlar asan deyil. Geri çəkilməyin. Məqsədinizə tezliklə olmasa da, çatacaqsınız.

Günün ikinci yarısında xoşagəlməz vizit, ünsiyyəti arzulamadığınız insanla görüş istisna deyil. Qəfil xərcləri də nəzərə alın. Ağır zamanda soyuqqanlı və təmkinli davranın. Axşam saatlarına yaxın səhhətinizdə problemlər yarana bilər. Yorğunluq hiss edəcəksiniz.

Tərəzi - günün ilk yarısında kiçik anlaşılmazlıqlar və problemlər olacaq. Lakin saatlar keçdikcə müsbət təmayüllərin təsiri güclənəcək. Əhvalınız yaxşılaşacaq. Qəfil görüş olacaq. Çoxdan darıxdığınız və qarşılaşmaq istədiyiniz insanla ünsiyyətdə olacaqsınız.

Günün ikinci yarısı sürpriz, romantik təmaslar vəd edir. Reallaşması mümkünsüz saydığınız arzunuz gerçəkləşə bilər. Sevdiyiniz insanı sevindirin. Ailə və dostluq əlaqələrini möhkəmləndirin.

Əqrəb - tələsik və düşünülməmiş addımlar atmayın. Avantüralara qatılmayın, ehtiyatlı və fəndgir olun. Yaşlı qohumlarla ünsiyyətdə fayda var. Onların təcrübə və məsləhələrindən yararlanın. Ötənlər barədə danışılanlar indi baş verənlərə münasibətinizi dəyişə bilər.

Günün ikinci yarısında planlaşdırılmış səfərə yollanın. Qəfil təklif və ya dəvətlərlə dərhal razılaşmayın. Axşam saatlarını evdə keçirin, ruhi və fiziki qüvvələrinizi bərpa edin.

Axşam saatlarına yaxın gələcəklə bağlı planlar qurmaq olar. Uğurla ideyalardan birini gerçəkləşdirməyə başlayın.
 

Oxatan - günün ilk yarısı uğurlu olacaq. İşləri vaxtında görməyə və bitirməyə çalışın. Yeni tapşırıqlar sürpriz təsiri bağışlamasın. Yeni informasiya və məlumatları sürətlə əxz etməyə can ağın. Uğurlarınız və nailiyyətlərinizlə yaxın ətrafınızdakı insanları təəccübləndirin.

Günün ikinci yarısında təmas çevrəsini bir qədər məhdudlaşdırın. Uzun söhbətlərin heç bir mənası yoxdur. Səhhətinizdə kiçik problemlər yarana bilər. Özünüzə fikir verin.
 

Oğlaq - günün ilk yarısında kiçik çətinliklər yarana bilər. Etibar etdiyiniz tanışlar və ya yaxınlarınızın yardımı ilə sədləri dəf edəcəksiniz. Saatlar keçdikcə müsbət təmayüllərin təsiri artacaq. Ciddi önəm verdiyiniz işdə uğurlar istisna deyil. Qələbəyə nail olun.

Günün ikinci yarısı rəğbət bəslədiyiniz insanla təmasda olun.

Yaşam potensialınızın səviyyəsi yüksəkdir. Əhvalınız pis olmayacaq. Alış-verişə yollana bilərsiniz.

Dolça - əlverişli gündür. Planlarınız nə qədər cəsarətli və radikal olsa da, onları həyata keçirə biləcəyinizə şübhə etməyin. Ən çətin anlarda sizə həyan olan insanlardan yardım alacaqsınız. Yaşam potensialınızın səviyyəsi yüksəkdir. Səhhətinizdə problemlər yaranmayacaq.

Günün ikinci yarısında ilk dəfə gördüyünüz insanlarla normal təmaslar qurun. Amma yeni tanış olduğunuz insanlara inanmayın. Yaxın ətrafınızdakı insanlar sizdən məsləhət almaq istyirlər. Ən çətin situasiyanı soyuqqanlı şəkildə təhlil edin. Dürüst nəticələrə gəlin.

Balıqlar - asan olmayan gündür. Fəqət yaranacaq problemlərin heç birinin uzunmüddətli fəsadları olmayacaq. Yaxın ətrafınızdakı insanlar emosional davransalar belə, sakit və təmkinli olun. Yalnız- belə olarsa, səhvlər etməyəcək, maliyyə itkilərinə yol verməyəcəksiniz.

Günün ikinci yarısında səfər və ya səyahət ola bilər. Sükan arxasında çox vaxt keçirməyin. Axşam saatları sağlamlıq prosedurları və idman üçün əlverişlidir.

Pilateslə də məşğul olmaq olar.