ABŞ gələn il 38 Abrams tankının ilk partiyasını Tayvana tədarük edəcək.

ABŞ gələn il 38 Abrams tankının ilk partiyasını Tayvana tədarük edəcək.

“Şəffaflıq.az xəbər verir ki, bu barədə Tayvanın “Ziyu Şibao” qəzeti məlumat yayıb.

Nəşr qeyd edir ki, qrafikə əsasən, 2025-ci ildə daha 42 tankın təhvil verilməsi planlaşdırılır. 2026-cı ildə “Abrams” tankının son partiyası (28 ədəd) veriləcək.

Adanın quru qoşunları təlim keçmək üçün ABŞ-a göndəriləcək zabitlər qrupu formalaşdırıb. Tayvana qayıtdıqdan sonra onlar silahlı qüvvələrdə hərbi təlimatçı olacaqlar.

Bundan əvvəl məlum olub ki, ABŞ hakimiyyəti Tayvana 345 milyon dollarlıq hərbi yardım paketi çərçivəsində dörd MQ-9A kəşfiyyat aparatını Tayvana təhvil verəcək.

Qeyd edək ki, ABŞ Tayvan ordusuna əsas silah tədarükçüsüdür. Hazırda adaya Amerika silahlarının yerinə yetirilməmiş tədarük portfeli təxminən 19 milyard dollara çatır.