Nigerdə üsyançılar devrilmiş prezidenti vətənə xəyanətdə ittiham edir
14-08-2023, 09:07
Üsyançıların yaratdığı hərbi şura Nigerin devrilmiş prezidenti Məhəmməd Bazuma qarşı dövlətə xəyanət ittihamı irəli sürmək niyyətindədir.
Şəffaflıq.az xəbər verir ki, bu barədə “Al Jazeera” telekanalı məlumat yayıb.
“Biz devrilmiş prezidenti və onun əlbirlərini vətənə xəyanət və dövlət təhlükəsizliyinə təhlükə törətmək ittihamı ilə mühakimə etməyə imkan verən sübutlar topladıq”, - üsyançıların açıqlamasında qeyd olunub.
Kot-d'İvuar Prezidenti Alassan Uattara avqustun 10-da Abucada keçirilən Qərbi Afrika İqtisadi Birliyinin (ECOWAS) sammitindən qayıdarkən bildirib ki, assosiasiyaya üzv dövlətlərin rəhbərləri Nigerdə “mümkün olduğu qədər tez” hərbi əməliyyata başlamaq barədə razılığa gəliblər.
Üsyançı liderlər, öz növbəsində, ECOWAS-ın müdaxilə planları ilə bağlı elanı fonunda ordunun döyüşə hazır vəziyyətə gətirilməsini tapşırıblar.
Geri qayıt