Bakı metrosuna istismar üzrə yeni baş mühəndis təyin edilib
1-08-2023, 12:29
“Bakı Metropoliteni” QSC-nin istismar üzrə baş mühəndisinin müavini Azad Mustafayev bu gündən baş mühəndis vəzifəsinə təsdiqlənib.
Şəffaflıq.az-ın məlumatına görə, o, yeni vəzifəsində Əlixan Osmanovu əvəz edib.
A.Mustafayev 1968-ci ildə anadan olub, 1992-ci ildə Azərbaycan Dövlət Neft Akademiyasını (indiki Azərbaycan Dövlət Neft və Sənaye Universiteti) bitirib, ixtisasca energetika mühəndisidir.
O, “Azərenerji” ASC-də istehsalat-texniki şöbənin rəis müavini, “Azərişıq” ASC-də Binəqədi rayon Enerji Təchizatı və Satışı İdarəsinin rəisi işləyib, 2019-cu ildən isə Bakı metrosunun istismar üzrə baş mühəndisinin müavini olub.
A.Mustafayev 2015-ci ildə Prezident İlham Əliyevin Sərəncamı ilə “Tərəqqi” medalına layiq görülüb. Ailəlidir. Bir oğlu və bir qızı var.
Geri qayıt