Goranboyda ağacın aşması nəticəsində yaranan fəsad aradan qaldırıldı - YENİLƏNİB + FOTO
8-06-2023, 10:28
Goranboyda müşahidə olunan güclü külək nəticəsində irigövdəli ağacın törətdiyi fəsad aradan qaldırılıb.
Bu barədə Oxu.Az-a Goranboy Rayon İcra Hakimiyyətindən bildirilib.
Qeyd edilib ki, ötən gecə güclü külək Goranboy-Qızılhacılı yolunun kənarında yerləşən qovaq ağacını kökündən çıxarıb. Nəticədə ağac rabitə xəttinin üzərinə düşüb. Baş verən fəsad artıq aradan qaldırılıb.
02:46
Goranboyda müşahidə olunan güclü külək irigövdəli ağaclardan birini aşırıb.
“Report”un məlumatına görə, külək Goranboy-Qızılhacılı yolunun kənarında yerləşən və 70-ə yaxın yaşı olan “Qovaq” ağacını kökündən çıxarıb.
Nəticədə ağac rabitə xəttinin üzərinə düşüb, telekommunikasiya təsərrüfatına ciddi ziyan dəyib.
Hadisə zamanı xəsarət alan olmayıb.
İlhamə Əbülfət
Şəffaflıq.az
Geri qayıt