Şamaxıda beş nəfərin xəsarət alması ilə nəticələnən yol-nəqliyyat hadisəsi baş verib.
“Report”un Yuxarı Şirvan bürosu xəbər verir ki, hadisə rayonun Göylər kəndi ərazisindəndən keçən hissəsində qeydə alınıb.
Hadisə zamanı “Mercedes-Benz” və VAZ-2107 markalı avtomobillər toqquşublar.
Nəticədə Bağırlı kənd sakini, 1960-cı il təvəllüdlü Famil Cümşüd oğlu Alıyev, Çaylı kənd sakini, 1961-ci il təvəllüdlü Xoşqədəm Abbas qızı Baxışova, Dağ Bağırlı kənd sakini, 1969-cu il təvəllüdlü Şəfaət Qəfər oğlu Qəfərov və daha iki nəfər yaralanıblar.
Yaralılar Şamaxı Rayon Mərkəzi Xəstəxanasına yerləşdiriliblər.
Fakt bağlı araşdırmalar aparılır.
