Ketrin Kolonna: “Fransa sülh və təhlükəsizlik üçün çalışır”

“Fransa davamlı şəkildə çalışıb ki, Azərbaycan və Ermənistan arasında sülh olsun”.

Şəffaflıq.az-ın məlumatına əsasən, bunu Fransanın Avropa və xarici işlər naziri Ketrin Kolonna Azərbaycan XİN başçısı Ceyhun Bayramovla keçirdiyi mətbuat konfransında deyib.

O bildirib ki, Fransa regionda sülh və təhlükəsizliyə töhfə verməyə çalışır.

“Biz dəfələrlə bəyan etmişik ki, regionda sülh və təhlükəsizlik danışıqlar yolu ilə bərqərar olsun. Biz öz mövqeyimizi Azərbaycan tərəfinə də bildirmişik”, - deyə o əlavə edib.

Aqşin Kərimov