BDU rektoru: "Reytinqlərdə geri qalmağımızın səbəbi zəifliklə yox, digərlərinin çox sürətli inkişafı ilə bağlıdır"

"Reytinqlərdə geri qalmağımızın səbəbi tək bizim inkişafımızın zəifliyi ilə yox, digərlərinin çox sürətli inkişafı ilə bağlıdır".

Şəffaflıq.az xəbər verir ki, bu fikirləri Bakı Dövlət Universitetinin (BDU) rektoru Elçin Babayev Milli Məclisdə “Ali təhsil haqqında” qanun layihəsi ilə bağlı keçirilən ictimai dinləmədə çıxışı zamanı deyib.

Onun sözlərinə görə, universitet rəqabət mühitindədir:

"Söhbət tək ölkədən yox, regiondan gedir. Artıq reytinqlərdə geri qalmağımızın səbəbi tək bizim inkişafımızın zəifliyi ilə yox, digərlərinin çox sürətli inkişafı ilə bağlıdır. Buna misal olaraq Qazaxıstan kimi ölkələri göstərə bilərik”.