11 yaşlı Sabir Mustafayevin sizin yardımınıza ehtiyacı var.
Bu barədə onun anası Leyla Mustafayeva məlumat verib.
O bildirib ki, oğlu Sabir dekabrın 26-da evdə sobanı yandırmaq istəyərkən yanıb.
“Sabirin 11 yaşı var. Evdə sobaya neft töküb yandırmaq istəyərkən özü yanıb. Bədənində üzü və bir qolu çıxmaqla, demək olar ki, hər yeri yanıb. Dekabrın 26-da Lənkəranda xəstəxanaların birinə yerləşdirsək də, vəziyyəti ağırlaşdığı üçün onu Bakıya gətirməyə məcbur olduq. Sabir bir neçə dəfə fərqli nahiyələrindən dəriköçürmə əməliyyatı keçirib. Hazırda Sabirin müalicəyə ehtiyacı var. Ağrıları çoxdur, dərmanlarını və mazlarını almağa imkanım yoxdur. İnanın yemək almaqda belə çətinlik çəkirəm”.
Leyla Mustafayeva qeyd edib ki, üç övladına özü tək baxır.
“Yoldaşım bir il əvvəl həbs edilib. Həbs edilməzdən əvvəl evdə hər şeyi satıb. Övladımı müalicə etdirə bilmək üçün satmağa da heç nəyim qalmayıb. Övladımın əməliyyatdan sonra reabilitasiya prosesi və dərmanları üçün 600 manata ehtiyacımız var. Yardımsevər şəxslərdən mənim övladıma kömək etmələrini xahiş edirəm”.
Ailə ilə əlaqə: 077 316 71 93