Mədəniyyət Nazirliyinin daha bir vəzifəli şəxsi işdən çıxarıldı
1-03-2023, 17:31
Prezident İlham Əliyev Azad Məhyəddin oğlu Cəfərlinin Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi vəzifəsindən azad edilməsi haqqında Sərəncam imzalayıb.
Bununla bağlı Mədəniyyət Nazirliyi məlumat yayıb.
Qeyd edək ki, 45 yaşlı A.Cəfərli 2021-ci ilin fevralında sözügedən Xidmətin rəisi təyin edilmişdi.
Xatırladaq ki, bu gün Prezidentin sərəncamları ilə nazirin birinci müavini Vaqif Əliyev və nazir müavini Sevda Məmmədəliyeva işdən çıxarılıblar, Səadət Yusifova Azərbaycan mədəniyyət nazirinin müavini təyin edilib.
Şəffaflıq.az
Geri qayıt