Britaniya əsgərləri Şahzadə Harrini xəyanətdə ittiham edir

Britaniyanın keçmiş və indiki hərbi qulluqçuları Britaniya şahzadəsi Harrini Əfqanıstanda xidmət edərkən törətdiyi qətllərin ifşasına görə tənqid edərək, onu xəyanətdə ittiham ediblər.

Şəffaflıq.az xəbər verir ki, bu barədə cümə günü bir sıra Britaniya qəzetləri məlumat yayıb.

Belə ki, “The Times” 2003-cü ildə ABŞ və Britaniyanın İraqa hücumunda iştirak etmiş polkovnik Tim Kollinsin sözlərinə istinad edir. O, Şahzadə Harrinin çox pis məsləhətlər aldığını və sadəlövh davrandığını, bu mövzuda xatirələrini Ehtiyat avtobioqrafik kitabında dərc etmək qərarına gəldiyini söyləyib.

“Əvvəllər nə olursa olsun, ordu onu həmişə öz ailəsinə qəbul edib. İndi o, öz ailəsinə xəyanət etdiyi kimi, ordunun bu etibarına da xəyanət edib”, - deyə Kollins nəşrə bildirib.

“Düşünürəm ki, o, tamamilə sadəlövhdür. Nə etdiyini və nə üçün etdiyini başa düşmür. Onu ələ alacaq biri lazımdır, amma artıq onu sakitləşdirmək üçün ələ alacaq biri yoxdur”, - deyə əsgər əlavə edib və Böyük Britaniyanın Əfqanıstana qoşunlarını "insanları öldürmək" üçün deyil, "Əfqanıstanın qanuni hökumətini və xalqını qorumaq" üçün göndərdiyini vurğulayıb.

Keçmiş Müdafiə Qərargahı rəisinin köməkçisi general-mayor Conatan Şou da Şahzadə Harrinin açıqlamalarını pisləyib: "Əsgərlər heç bir səbəb olmadan insanları öldürməkdən danışmırlar. Bu yazılmamış qanundur. Harrinin şərhləri yazılmamış bu qaydanı pozur. Onun PR komandasının hərisliyindən ilham aldığından şübhələnirəm", - deyə keçmiş əsgər Daily Mail-ə bildirib.

Əfqanıstandakı qoşunlara komandanlıq edən Britaniya ordusunun ehtiyatda olan polkovniki Riçard Kemp xəbərdarlıq edib ki, Sasseks hersoqu tərəfindən bu cür bəyanatlar Böyük Britaniyanın mülki şəxsləri və ordu nümayəndələrinə qarşı terror hücumları riskini artıra bilər: "Onun bu sözləri vəhhabi təbliğatı tərəfindən Böyük Britaniyaya qarşı hücumlar həyata keçirmək üçün istifadə olunacaq",- o, Daily Telegraph-a bildirib.

Kitabda xüsusilə 10 il xidmət etmiş şahzadə Harri Apaçi helikopterinin ikinci topçu pilotu olduğu Əfqanıstanda 25 Taliban döyüşçüsü öldürdüyünü bildirib.

“Mənim üçün bu öldürülmüş Taliban döyüşçüsünun sayı 25-dir. Bu rəqəm məni qürurlandırmır, amma, eyni zamanda, məni narahat da etmir", – deyə 38 yaşlı şahzadə Harri yazdı.

“The Daily Telegraph”ın mənbələri isə öz növbəsində bildiriblər ki, Şahzadə Harrinin davranışı, o cümlədən mediaya tənqidi müsahibələri keçən ilin sentyabrında 96 yaşında dünyasını dəyişən Böyük Britaniya kraliçası II Yelizavetaya mənfi təsir edib. "Bu, mənfi təsir etdi. O, Şahzadə Filipi (2021-ci ilin aprelində vəfat edən ərini) itirdi, sonra belə bir sevimli nəvənin kral ailəsinə davamlı hücumları əbəs olmadı. Həyatınızın və hakimiyyətinizin bu mərhələsində, sizin bütün bunlara qətiyyən ehtiyacınız yoxdur”, - Əlahəzrətin adı açıqlanmayan dostu deyib.

O, Şahzadə Harrinin ailəsi ilə barışmaq istəməsinə dair iddialarına da şübhə ilə yanaşırdı. “O, barışmaq istədiyini deyir, sonra ailəsini kürəyindən vurur”, - qəzetin həmsöhbəti obrazlı şəkildə ifadə edib.

Eyni zamanda, The Times yazır ki, kitab keçən yay hazır olub, lakin Şahzadə Harri bir anda onun nəşri ilə bağlı fikrini dəyişib. Görünür ki, o, artıq bunun üçün almış olduğu çox milyon dollarlıq avans ödənişini itirməklə hədələnib. Qəzetin nəşriyyatdakı mənbəsinin sözlərinə görə, buna səbəb onun kral ailəsindən aldığı ultimatumda olub. Məlumata görə, bu, Şahzadə Harrinin iyun ayında II Yelizavetanın hakimiyyətinin 70-ci ildönümünü qeyd etmək üçün vətəninə səfəri zamanı baş verə bilər. "Xəbər yayılıb ki, səfər zamanı ona açıq-aşkar deyilib ki, əgər o kitabı kraliça sağ ikən nəşr etdirsə, geriyə dönüş olmayacaq. Təbii ki, sentyabrda monarxın ölümündən sonra hər şey dəyişdi", - deyə mənbə bildirib. dedi.

Kitabın yanvarın 10-da nəşri planlaşdırılırdı. Cümə axşamı isə avtobioqrafiya İspaniyada kitab mağazalarının rəflərində qəflətən peyda olub. Səhv tez bir zamanda düzəldilsə də və Şahzadənin ispan dilinə tərcümə edilmiş kitabının bütün nüsxələri satışdan çıxarılsa da, bir neçə nüsxə Britaniya jurnalistlərinin əlinə keçib. Onlar kitabdan ən diqqətçəkən parçaları dərc ediblər.