ABŞ-da 26 uşağı diri-diri basdıran cinayətkar azadlığa buraxılacaq

ABŞ-ın Kaliforniya ştatında ABŞ tarixində ən kütləvi adam oğurluğuna görə həbs edilən cinayətkarın azadlığa buraxılmasına qərar verilib.

70 yaşlı Frederik Vuds 1976-cı ildə şərikləri Riçard və Ceyms Şonfeld qardaşları ilə birlikdə 26 uşağı əsir götürüb. Eyni zamanda uşaqları daşıyan məktəb avtobusunun sürücüsünü də qaçırıb. Sonra isə onları həmin avtobusda diri-diri basdırıb. Hadisə Çovçilla yaxınlığında baş verib.

Məktəblilər və sürücü yük maşınının qoşqusunda 12 fut (3,66 m) dərinlikdə diri-diri basdırılıb. Cinayətkarlar buna görə dövlətdən milyonlarla dollar pul almağı planlaşdırıb. Sürücü Frenk Rey və 14 yaşlı Maykl Marşal lyukun qapağını çıxarıb, çuxur qazıb və səthə çıxa biliblər. Nəticədə əsir götürülən bütün uşaqlar qaça biliblər.

İki həftə sonra, Vuds və Şonfeld qardaşları həbs olunub. Onlar şərti azadlığa buraxılma imkanı olmadan ömürlük həbs cəzasına məhkum edilib. Lakin bu hökmlər sonda ləğv edilib.

Şəffaflıq.az