İsmayıllıda Azərbaycan çempionatına yekun vuruldu.-

Azərbaycan Respublikası Gənclər və İdman Nazirliyi və Azərbaycan Velosiped İdmanı Federasiyasının 19-22 avqust 2021-ci il tarixlərində İsmayıllıda şose velosipedi üzrə Azərbaycan çempionatı keçirilib.

Şəffaflıq.az xəbər verir ki, çempionatın qaliblərinin mükafatlandırılması üçün yekun tədbir Azərbaycan Respublikasının Dövlət  himninin səsləndirilməsi ilə başlanıb.

Mükafatlandırma mərasimində İsmayıllı rayon İcra Hakimiyyəti başçısının müavini Sevil Əhmədova, Bakı şəhər Gənclər və İdman Baş İdarəsinin rəisi Raqif Abbasov, AzVİF-in baş katibi Fərhad Əliyev, həmçinin Gənclər və İdman Nazirliyinin nümayəndələri iştirak ediblər. 

Qalib və mükafatçılar medal və diplomla təltif ediliblər.