AVRO-2020: Bu gün ilk finalçı bəlli olacaq
6-07-2021, 12:44
Bu gün futbol üzrə Avropa çempionatında yarımfinal mərhələsinə start veriləcək.
Şəffaflıq.az məlumat verir ki, bu raundun hər iki görüşü İngiltərənin paytaxtı Londondakı "Uembli" stadionunda keçiriləcək.
İlk oyun günündə bir qarşılaşma baş tutacaq. Əvvəlcə turnirin əsas favoritlərindən ikisi - İtaliya və İspaniya yığmaları finala vəsiqə uğrunda meydana çıxacaqlar. Almaniyalı FIFA referisi Feliks Brixin idarə edəcəyi oyun Bakı vaxtı ilə saat 23:00-da başlayacaq. Matçı 60 mindən çox azarkeşin stadionda canlı izləyəcəyi gözlənilir.
Avropa çempionatı
Yarımfinal
23:00. İtaliya - İspaniya
Baş hakim: Feliks Brix (Almaniya)
London, "Uembli" stadionu
Qeyd edək ki, yarımfinalın digər görüşündə İngiltərə və Danimarka yığmaları qarşılaşacaq. Bu oyun iyulun 7-də gerçəkləşəcək.
Geri qayıt