Livanda milli valyutanın dəyərdən düşməsi ilə bağlı etirazçılar yolları bağlayıb
28-06-2021, 09:17
Livanda milli valyutanın məzənnəsinin ABŞ dollarına nisbətdə növbəti dəfə enməsindən sonra ölkədə narazılıqlar yenidən alovlanıb.Şəffaflıq.az RİA Novosti-yə istinadən xəbər verir ki, artıq ardıcıl ikinci gündür paytaxt Beyrut, Tripoli və Sayda şəhərəri də daxil olmaqla, ölkənin bütün bölgələrində nümayişçilər yolları bağlayırlar.
Qeyd edək ki, cümə günündən bəri Livan funtu 15000-dən 18100 dollaradək düşüb, mərkəzi bank isə məzənnəsini böhran öncəsi 1.515 lirə səviyyəsində saxlamağa davam edir.
Yerli mediasının verdiyi məlumata görə, şənbə günü Tripolidə nümayişçilər şəhərin mərkəzində və millət vəkillərinin evlərinin yaxınlığında toplaşıblar.
Parlament üzvlərindən birinin mühafizəçiləri etirazçılara atəş açıb, nəticədə üç vətəndaş yaralanıb. Vəziyyət yalnız əlavə ordu hissələri gəldikdən sonra sabitləşib.
Geri qayıt