İran parlamentinə ABŞ-la danışıqların qadağası haqqında qətnamə layihəsi daxil olub
23-06-2021, 23:13
ABŞ hakimiyyəti ilə istənilən danışıqlara qanunverici qadağa haqqında qətnamənin layihəsi çərşənbə günü İran Məclisinə (parlament-red) daxil olub.
Şəffaflıq.az xəbər verir ki, bu barədə “Fars” agentliyi bildirib. Layihənin təfərrüatları hələ açqlanmır.
Bazar ertəsi İranın yeni prezidenti İbrahim Raisi bildirib ki, ABŞ prezidenti Cozef Baydenlə görüşmək niyyətində deyil və əgər onlar ölkənin maraqlarını təmin etməsələr, İran Birləşmiş Ştatlarla Birgə Hərtərəfli İş Planı üzrə danışıqlar aparmayacaq. Bu halda Raisi vurğulayıb ki, İran ABŞ-ı iş planı üzrə öhdəliklərinin icrasına qayıtmağa çağırır.
Birgə Hərtərəfli İş Planı 2015-ci ildə İranla BMT Təhlükəsizlik Şurası üzvləri və Almaniya arasında qəbul edilib.
Geri qayıt