“Avro-2020”: Bu gün III turunun daha dörd oyunu keçiriləcək
21-06-2021, 14:27
Bu gün Avropa çempionatının qrup mərhələsinin üçüncü turunun daha dörd qarşılaşması oynanılacaq.
Şəffaflıq.az xəbər verir ki, B və C qrupunda hərəyə iki oyun oynanılacaq. C qrupundakı oyunlar saat 20:00-da, B qrupunda isə saat 23:00-da təşkil olunacaq.
İki turdan sonra xalı olmayan Şimali Makedoniya yığması qrup lideri (6 xal) Niderland seçməsi ilə, Ukrayna isə Avstriya millisi ilə qarşılaşacaq.
“Yoxan Kroyff” stadionunda baş tutan Şimali Makedoniya - Niderland görüşünü Türkiyə FİFA referisi Cüneyt Çakır idarə edəcək.
Günün Bakı vaxtı ilə saat 23:00-da “Sankt-Peterburq Arena”da Finlandiya seçməsi artıq pley-offa vəsiqəni təmin edən Belçika yığması ilə, Kopenhagendəkı “Parken” stadionunda isə Rusiya ilə Danimarka millisi ilə üz-üzə gələcək.
Xatırladaq ki, Bakı Olimpiya Stadionu iyulun 3-də dörddəbir final mərhələsinin bir oyununa ev sahibliyi edəcək.
Geri qayıt