Azərbaycanda həbsdən çıxan kişi qızı qaçırdı - 15 gün boyunca onu...
23-05-2019, 14:18
Şamaxı rayonunda qəsdən adam öldürməyə cəhd etməkdə təqsirləndirilən Şirzad Əsədovun cinayət işi üzrə məhkəmə prosesi başa çatıb.Şəffaflıq.az xəbər verir ki, bu gün Bakı Ağır Cinayətlər Məhkəməsində hakim Əhməd Quliyevin sədrliyi ilə baş tutan prosesdə məhkəmə istintaqı tamamlanıb və daha sonra çıxış etmək üçün prokurora söz verilib.
Prokuror Şirzad Əsədovun 17 il müddətinə azadlıqdan məhrum edilməsini istəyib.
Daha sonra təqsirləndirilən şəxsin müdafiəçisi müdafiə nitqi ilə çıxış edib, təqsirləndirilən şəxs son söz deyib. O, məhkəmədən bağışlanmasını istəyib.
Hakim heyəti hökm elan etmək üçün müşavirə otağına yollanıb. Müşavirədən qayıdan hakimlər hökmü açıqlayıb.
Şirzad Əsədov 16 il müddətinə azadlıqdan məhrum olunub.
İttihama görə, Şamaxı rayonunun Meysəri kəndində 1986-cı il təvəllüdlü Zöhrə Əlqəmbəyeva qeyri-rəsmi nikahda yaşadığı Şirzad Əsədov tərəfindən döyülüb.
O, ağır bədən xəsarətləri ilə Şamaxı rayon Mərkəzi Xəstəxanasına yerləşdirilib.
Xəstəyə qapalı kəllə-beyin travması, baş beynin silkələnməsi, qarın nahiyəsinin qapalı travması, nazik bağırsağın cırılması, sol çiyin qurşağının kəsilmiş-deşilmiş yarası diaqnozu qoyulub.
Qeyd edək ki, Şirzad Əsədov əvvəllər məhkum olunub. O, hadisədən 15 gün öncə Zöhrə Əlqəmbəyevanı qaçırıb və onlar qeyri-rəsmi nikahda yaşayıblar.
Qadın əvvəllər bir dəfə evli olub.
Hüquq-mühafizə orqanları əməkdaşları tərəfindən saxlanılan Şirzad Əsədovun barəsində Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham elan edilib.Teleqraf.com
Geri qayıt