Şamaxı Rayon Təhsil Şöbəsində növbəti kadr təyinatları olmuşdur.
27-03-2021, 19:45
Təhsil naziri Emin Əmrullayevin müvafiq əmrinə əsasən RTŞ-də vakant olan iki aparıcı məsləhətçi vəzifələrinə 16 mart 2021-ci il tarixdən Muradov Cəmil Akif oğlu və Sadıqzadə Firqiyyə Vahid qızı təyin ediliblər.
Muradov Cəmil Akif oğlu 17 oktyabr 1994-cü ildə Şəki şəhəri Aşağı Göynük kəndində anadan olmuşdur. 2000-ci ildə Şəki şəhər Köndələn kənd tam orta məktəbin 1-ci sinfinə qəbul edilib və 2011-ci ildə həmin məktəbin 11-ci sinfini bitirmişdir. 2011-2015-ci illərdə Azərbaycan Dövlət Pedaqoji Universitetinin “Coğrafiya müəllimliyi" fakültəsində bakalavr, 2015-2017-ci illərdə isə Bakı Dövlət Universitetində “Beynəlxalq turizm və ölkəşünaslıq” ixtisası üzrə magistratura təhsili almışdır. 2016-2017-ci illərdə “Araz Supermarket” MMC-də kassir, 2017-2018-ci illərdə “ABC Telecom”, Azərbaycan Supermarket” MMC-də satış məsləhətçisi, 2018-2019-cu illərdə “Azinko Development” MMC-də otaq xidmətçisi, 2019-2020-ci illərdə “No Limits Travel” MMC-də turların təşkili üzrə menecer vəzifəsində çalışmışdır. Subaydır.
Sadıqzadə Firqiyyə Vahid qızı 17 iyul 1995-ci ildə İsmayıllı rayonunun Mican kəndində anadan olmuşdur. 2001-ci ildə İsmayıllı şəhər 1 nömrəli tam orta məktəbin 1-ci sinfinə daxil olmuş, 2012-ci ildə Bakı şəhər 155 nömrəli tam orta məktəbin 11-ci sinfini bitirmişdir. 2012-2016-cı illərdə Azərbaycan Dövlət Pedaqoji Universitetinin "Tarix müəllimliyi" fakültəsində təhsil almışdır. 2017-2019-cu illərdə Bakı şəhər Sabunçu rayon məhkəməsində komutator vəzifəsində çalışmışdır. Subaydır.
Şəffaflıq.az
Geri qayıt