"Dialoqdan boyun qaçıranlar hansısa dairələrin çirkin maraqlarına xidmət edirlər" PA-nın şöbə müdiri
12-03-2021, 14:01
"Prezident İlham Əliyevin apardığı siyasi islahatlar nəticəsində ölkədə sağlam iqtidar-müxalifət münasibətləri qurulub, dialoq aparılır”. SIA-nın verdiyi məlumata görə, Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev martın 10-da Milli Məclisdə “Siyasi dialoqun Azərbaycan modeli: qanunvericilik hakimiyyətinin rolu” mövzusunda keçirilmiş konfransda çıxışı zamanı deyib.PA-nın şöbə müdiri bildirib ki, dialoqdan boyun qaçıranlar hansısa dairələrin çirkin maraqlarına xidmət edirlər.
Xatırladaq ki, martın 10-da Milli Məclisdə “Siyasi dialoqun Azərbaycan modeli: qanunvericilik hakimiyyətinin rolu” mövzusunda konfrans keçirilmişdi. Videokonfrans formatında keçirilən tədbirdə Milli Məclisin sədri Sahibə Qafarova, Azərbaycan Respublikası Prezidenti Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev, Milli Məclisdə təmsil olunan siyasi partiyaların rəhbərləri və nümayəndələri, Milli Məclisin 80-dək deputatı iştirak ediblər.
Geri qayıt