Okeanın dərinliklərində elmə məlum olmayan yeni yırtıcılar kəşf olundu
20-01-2021, 09:10
Avstraliya alimləri, okeanın dərinliklərində əvvəllər elmə məlum olmayan yırtıcı süngər növlərini kəşf ediblər.
Şəffaflıq.az “Science Alert"-ə istinadən bildirir ki, bu barədə “Zootaxa” jurnalında məqalə dərc olunub.
Yeni orqanizmlər - “Nullarbora heptaxia”, “Abyssocladia oxyasters” və “Lycopodina hystrix” Böyük Avstraliya Körfəzinin müəyyən bölgəsində yaşayırlar.
Üç yeni növ üç yeni nəsil meydana gətirir. Onlar 163 metrdən üç min metrə qədər dərinliklərdə yaşayırlar.
Bunlar Cənubi Avstraliyada tapılan ilk yırtıcı süngərlərdir.
Süngərlər - dəniz suyunu filtrasiya edərək qida əldə edən çoxhüceyrəli heyvanlardır. Onların sinir, həzm və qan dövranı sistemi yoxdur. Bununla belə, bəzi yırtıcı süngərlər ov üçün xüsusi ov mexanizmlərindən istifadə edirlər.
Geri qayıt