"Qarabağ Dirçəliş Fondu" yaradılıb və bu fondun Müşahidə Şurasının tərkibi təsdiqlənib
4-01-2021, 13:42
Prezident İlham Əliyev "Qarabağ Dirçəliş Fondunun yaradılması və bu fondun Müşahidə Şurasının tərkibinin təsdiq edilməsi haqqında" sərəncam imzalayıb.
Şəffaflıq.az xəbər verir ki, sərəncama əsasən, Qarabağ Dirçəliş Fondu yaradılıb və bu fondun Müşahidə Şurasının aşağıdakı tərkibi təsdiq edilib:
Mikayıl Cabbarov – Azərbaycan Respublikasının iqtisadiyyat naziri
Muxtar Babayev – Azərbaycan Respublikasının ekologiya və təbii sərvətlər naziri
Rövşən Rzayev – Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin sədri
Tural Gəncəliyev – Dağlıq Qarabağın Azərbaycanlı İcması İctimai Birliyinin sədri, Azərbaycan Respublikası Milli Məclisinin deputatı
Fatma Yıldırım – Azərbaycan Respublikası Milli Məclisinin deputatı
Fərhad Bədəlbəyli – Bakı Musiqi Akademiyasının rektoru
Ədalət Muradov – Azərbaycan Dövlət İqtisad Universitetinin rektoru
Kamal Abdulla – Azərbaycan Dillər Universitetinin rektoru
Alim Qasımov – Azərbaycan Respublikasının Xalq artisti.
Geri qayıt