Moskva metrosunda qatarları qadın maşinistlər idarə edir
3-01-2021, 18:37
Rusiyanın paytaxtı Moskva metrosunda ilk qadın maşinistlər sərnişinlərə xidmət göstərməyə başlayıb.
Şəffaflıq.az Rusiya mətbuatına istinadən xəbər verir ki, bu barədə Moskva metrosunun mətbuat xidməti məlumat yayıb.
“Bu gün Filevsk xəttinə qadın maşinistin idarə etdiyi ilk qatar buraxılıb. O, işə başlamazdan əvvəl bir illik təlim keçib. Onunla birlikdə daha 12 qadın metropoliten qatarlarını idarəetmə hüququ alıb. Növbəti il azı 50 qadın maşinistin işə düzəlməsi planlaşdırılır”, - deyə Moskva merinin müavini Maksim Liksutov bildirib.
O qeyd edib ki, qadın maşinistlər üçün xüsusi forma hazırlanıb. Onlar qatarları idarə etmək üçün geyim forması olaraq ya yubkanı ya da şalvarı seçə bilərlər.
Xatırladaq ki, yanvarın 1-dən Rusiyada qadınlar üçün rəsmən əlçatmaz olan peşələrin siyahısı azaldılıb. Qadınlar traktorçu, gəmi kapitanı, habelə digər sahələrdə müxtəlif peşələr üzrə işləyə bilirlər.
Geri qayıt