ÜST ümid edir: Gələn il pandemiyanı dayandırmaq mümkün olacaq
20-12-2020, 11:39
Ümumdünya Səhiyyə Təşkilatının (ÜST) Rusiya üzrə nümayəndəsi Melita Vuynoviç koronavirusun 2021-ci ildə yox olması variantına şübhə ilə yanaşır.
Şəffaflıq.az xəbər verir ki, bu barədə o, Azərbaycan əsilli jurnalist Nailə Əskərzadənin “Rossiya 1” telekanalında yayımlanan "Təhlükəli virus. Birinci il" verilişinə müsahibəsində deyib.
Vuynoviç pandemiyanı artıq növbəti il dayandırmağın mümkün olacağına ümidini ifadə edib, ancaq ÜST rəsmisi hesab edir ki, dünya infeksiyadan hələ belə tezliklə qurtulmayacaq. "Pandemiya nədir – bu, Yer kürəsi ətrafında çoxlu sayda insanda eyni zamanda olan xəstəlikdir. Amma virus bizimlə qalacaq. Mən bizim "tac"dan (korona-red) belə tezliklə qurtulmayacağımızdan qorxuram", - o deyib.
Vuynoviçin sözlərinə görə, indi hazırlanan peyvəndlər koronavirusun mutasiyaları vaxtı effektivliklərdən məhrum olmayacaqlar. O, əlavə edib ki, virusun mutasiyası normal təzahürdür.
“Bir virusun genindəki hər dəyişikliyin onun davranışındakı dəyişiklik demək olmadığını başa düşmək çox vacibdir", - o vurğulayıb.
Geri qayıt