Koronavirusdan müdafiə üçün ən yaxşı pəhriz üsulu açıqlanıb
13-12-2020, 12:45
Alimlər bu nəticəyə gəliblər ki, ketogen pəhrizi COVID-19-a yoluxma riskini aşağı salır, yoluxma halında isə onun ağır formasından qoruya bilər.
Bu barədə Şəffaflıq.az “Times of India”ya istinadən xəbər verir.
Mütəxəssislər qeyd ediblər ki, pəhrizdəki az miqdarda karbohidrat bədəndəki yağ və "pis" xolesterol nisbətini azaldır, habelə qanda şəkərin səviyyəsini sabitləşdirir.
Keçirilmiş sınaqlar göstərib ki, belə pəhriz orqanizmdə oksidləşdirmə stresinə nəzarət edən və sətəlcəmə qarşı təsir göstərən plazmada ketonun səviyyəsini artırır.
Alimlər həmçinin qeyd ediblər ki, ketogen pəhrizi T limfositləri reseptoru daşıyan, immunomodulyator və antiinflamatuar fəaliyyət göstərən hüceyrələri çoxaldır.
“Belə qida rejimi adaptiv immun hüceyrələrin fəaliyyətini yaxşılaşdıra və COVID-19 ilə əlaqəli riski azalda bilər", - tədqiqatda bildirilir.
Geri qayıt