Uşaqlarda koronavirusun yeni əlamətləri görünüb
12-12-2020, 11:25
Nyu-York Universitetinin “Grossman” Tibb Fakültəsinin mütəxəssisləri COVID-19-a yoluxan uşaqların qarşılaşa biləcəyi bir sıra qeyri-adi simptomlar aşkar ediblər.
Şəffaflıq.az məlumat verir ki, Bu barədə “Express” xəbər yayıb.
Elm adamlarının sözlərinə görə, uşaqlar tez-tez koronavirusu yüngül, ya da asemptomatik formada keçirirlər. Buna baxmayaraq, bəzən infeksiya çox sistemli iltihab sindromu (MIS-C) ilə birlikdə ürək, ağciyər, qan damarları, böyrəklər, həzm sistemi, beyin, dəri, yaxud gözlər kimi bəzi orqan və toxumaların iltihabına səbəb olur.
Alimlər COVID-19-a yoluxan uşaqların simptomlarını və bunun səbəb olduğu iltihab sindromunu analiz edərkən, araşdırma iştirakçılarının 83 faizində “mukokutanöz dəyişikliklər” - şişmiş və qızarmış gözlər, qızarmış yanaqlar, ovuclar, şişmiş, qabarıq və parlaq qırmızı görünən “çiyələk dili” əlamətlərini görüblər.
Geri qayıt