Türkiyənin tanınmış müğənnisi Işın Karaca Yunanıstandan deportasiya edilib

Şəffaflıq.az "Haber Global"a istinadən xəbər verir ki, bu barədə sənətçi özünün sosial şəbəkə hesabında məlumat yayıb.

I.Karaca qeyd edib ki, Yunanıstandan deportasiya olunmasına səbəb 2024-cü ildə bu ölkənin Gümülcine (Komotini - red.) şəhərində oxuduğu türk marşları olub:

"Mənim Afinaya girişimə icazə verilmədi. Çünki 2024-cü ildə Gümülcinedə "Nə mutlu türküm deyənə" və "İzmirin dağlarında çiçəklər açar" marşlarını oxumuşdum. Təsəvvür edin, qızım və həyat yoldaşımın Afinaya girişinə icazə verildi. Amma mənə rədd cavabı verildi. Milli məsələ imiş mənimki. Həyatımda görmədiyim kobud rəftarla qarşılaşdım. Sağ olsunlar. Heç kim bir stəkan su belə təklif etmədi".

Müğənni daha sonra təyyarə bileti tapa bilmədiyini deyərək ölkəsinə qayıtmaq istədiyini vurğulayıb.

"Pişik" ləqəbi ilə tanınan müğənni Günel Ələkbərova verdiyi açıqlama ilə diqqət çəkib.

Şəffaflıq.az xəbər verir ki, sənətçi gecə saatlarında məclislərə qatılmağın onun üçün problem olmadığını bildirib. Günel Ələkbərova deyib ki, gecə saat 3-də belə oxumağa dəvət olunsa, bundan imtina etməz:

"Gecə 3-də oxumağa gedib pulumu qazanaram, niyə də yox? Hamısı ev qızı, ev gəlini olub. Makiyajım yerindədirsə, gedərəm. Elə məclislər olur ki, gecə saatlarında keçirilir. Qadın gecə 3-də kişilərin olduğu məclisdə oxuya bilər, orada xanımlar da olur".

Müğənni əlavə edib ki, bir çox sənətçi səhərə qədər kabinetlərdə çıxış edir və bunun qeyri-adi tərəfi yoxdur. Onun sözlərinə görə, belə məclislərə bəzən idman geyimində, kepka taxaraq da gedərəm:

"Müğənnilərin çoxu səhərə qədər kabinet məclislərində olur. Mən də sport geyimdə, kepka taxıb gedərəm, oxuyaram və pulumu qazanaram".

Günül Ələkbərovanın bu fikirləri sosial şəbəkələrdə birmənalı qarşılanmayıb və geniş müzakirələrə səbəb olub.

Əməkdar artist Almaz Ələsgərova övladlarından danışıb.

Şəffaflıq.az xəbər verir ki, "Qonaqcanlı" verilişində olan müğənni kiçik qızının onunla yaşadığını deyib. A.Ələsgərova bildirib ki, hər ay səyahət edir:

"İsrailə gedirəm. Yaxın dostumun toyuna dəvət almışam. Gedib gələndən sonra Avropaya gedəcəyəm. Qudalarım İspaniyaya köçüb. Gedib-gəlirik. Balaca qızım yanımdadır. O, da mənim kimi gedib-gəlir. 5 gün orada, 10 gün burada qalıram. Gəzməyi o qədər sevirəm ki, hobbimdir. Bir ayın içində təyyarəyə minməsəm ürəyim partlayar. Cavan vaxtlarımda köçmək istəyirdim. Amma indi 10 gündən artıq Bakıdan kənarda qala bilmirəm".

Qeyd edək ki, A.Ələsgərovanın böyük qızı ailəlidir və İsveçdə yaşayır.

Xalq artisti Şahnaz Haşımova xəstəxanaya yerləşdirilib.

Bu barədə sənətçinin oğlu Tural Abdullayev "Qafqazinfo"ya məlumat verib.

Onun sözlərinə görə, Ş.Haşımova sabah günün birinci yarısı əməliyyat olunacaq:

"Gəncədəki, özəl xəstəxanalardan birinə yerləşdirilib. Bizə dedilər mütləq əməliyyat olunmalıdır. Sabah günün birinci yarısına kimi əməliyyat olunmalıdır".

Xatırladaq ki, 68 yaşlı Xalq artistinin 2023-cü ildə də səhhətində problemlər yaranmışdı.

"Televiziyada çox şey var ki, məni qane etmir. Bir tanınmış aparıcı Azərbaycan sözünü düzgün tələffüz etmədi. Adını çəkmək istəmirəm. Azərbaycan sözünü tələffüz edə bilmirsənsə, sən necə aparıcı olmusan? Bir kanalın həm aparıcısı, həm də böyüyüdür".

Şəffaflıq.az xəbər verir ki, bu sözləri tanınmış diktor Tamilla Ələkbərova "Elgizlə izlə" verilişində deyib. O, verilişlərə açıq-saçıq geyimdə gələnlərə də səslənib:

"Mən çox açıq-saçıq geyimləri qəbul etmirəm. Hardasa müğənniləri başa düşürəm. Amma bir balaca gizlin yer saxlayın, sizə baxan desin ki, "Görəsən, o tərəfdə nə var?". Tikdirdəndə deyirlər ki, paltarı bu formada et.

Rəhmətlik Xalq artisti İlhamə Quliyevanın canlı konserti idi. Sarafanda gəlmişdi. Rəhmətlik Xalq şairi Nəbi Xəzri də o zaman AzTV-də sədr müavini idi. Kameradan onu gördü və düşdü aşağı. İlhaməyə dedi ki, konsertini ləğv edirəm, oxumayacaqsan. İlhamə isə dilləndi ki, "Siz diktorlara bunu deyə bilərsiniz, mən müğənniyəm". Nəbi Xəzri isə "Xeyr, sən efirə çıxırsansa, mənim adımdır" cavabını verdi. Bizim orada dolabımız var idi. Onu açdı və dedi ki, ya buradan paltar götür əynini dəyiş gəl, ya da konsertin olmayacaq. Güclə dar və qısa pencəyi geyindi və efirə çıxdı. O  vaxt belə tərbiyə olunurdu". (Axşam.az)

Aktrisa Zümrüd Qasımova uzun fasilədən sonra efirə qayıdır. 

Şəffaflıq.az xəbər verir ki, aktrisa ARB TV-də fəaliyyətə başlayıb. O, "Həkim nə deyir?" proqramına aparıcılıq edəcək. 

Z.Qasımova proqramı rejissor Səidə Haqverdiyeva ilə birlikdə aparacaq. Veriliş sentaybrın 15-dən etibarən yayımlanacaq. 

Qeyd edək ki, Z.Qasımova bundan əvvəl ARB TV-də və Xəzər TV-də aparıcılıq edib. O, bir müddətdir aparıcılıq fəaliyyətinə fasilə vermişdi.  (Axşam.az)

Xalq artisti Nazpəri Dostəliyeva səhnədən getməyə hazırlaşır.

Şəffaflıq.az pravda.az-a istinadla xəbər verir ki, bu barədə o, "Həftənin qonağı" verilişində danışıb.

O, bildirib: "Hər gün oyananda Allahıma dua edirəm ki, məni övladıma tez qovuşdursun.

Ansamblın uşaqlarını yığıb "Əlvida" adlı konsertimi verib, sənətimdən uzaqlaşmaq istədim. Mənə heç kim kömək etmədi. Hər kəs qarşı çıxdı. Yəqin ki, bir azdan məni sevənlərə "Əlvida" deyib, gözəl bir konsert edib, səhnədən uzaqlaşacağam. Hərdən Allaha çığırmaq istəyirəm ki, mən niyə bu səhnədəyəm". 

Xatırladaq ki, Nazpəri Dostəliyevanın oğlu Əli Quliyev 2021-ci ildə 41 yaşında vəfat edib. 

Xəbər verdiyimiz kimi, müğənni Rəqsanə İsmayılova barəsində 4 ay müddətinə həbs qətimkan tədbiri seçilib.  

O, vətəndaşların 35 000 manat dəyərində qızıl-zinət əşyalarını və 520 000 ABŞ dolları məbləğində pulunu dələduzluq yolu ilə ələ keçirməkdə ittiham edilir.

Müğənni 2 il əvvəl Moskvada həbsdə olan azərbaycanlı iş adamını azadlığa buraxdıracağını vəd edib və iş adamının yaxınları Rəqsanə İmsayılovaya 520 min dollar pul veriblər. Amma 2 il keçməsinə baxmayaraq həmin şəxs azadlığa buraxılmayıb.

Həmin şəxslərin şikayətindən sonra cinayət işi başlanıb və Rəqsanə İmsayılova həbs olunub.

Şəffaflıq.az xəbər verir ki, savashmedia.az-ın əldə etdiyi məlumata görə, Rəqsanə İsmayılovanın biznesmen həyat yoldaşı Fazil Əmiraslanov artıq zərərçəkmişlərlə danışıqlara girib və onların pulunu qaytaracağına söz verib.

Mənbənin bildirdiyinə görə, son illər Moskva şəhərindəki biznesi tənəzzül edən Fazil Əmiraslanov iqtisadi cəhətdən əvvəlki qüdrətində deyil. Bununla belə, 1 milyon manata yaxın məbləğin ödənilməsi onun üçün heç də mümkünsüz deyil.

Məlumata görə, Fazil Əmiraslanov Rusiya paytaxtındakı obyektlərindən birini satışa çıxarıb və alqı-satqı rəsmiləşdikdən sonra Rəqsanə İsmayılovanın borcları tamamilə bağlanacaq.

Xatırladaq ki, Fazil Əmiraslanov uzun illərdir ki, Moskvada iri bizneslə məşğul olur. O, "Bakkara XXI", "Luç-SB" , "Sofiya ML" "Korvet İnvest" kimi iri şirkətlərinin sahibidir. Bundan başqa onun Rusiya paytaxtında "Mayak" adlı Ticarət Mərkəzi də var.

Onun şirkətləri restoran, daşınmaz əmlakın alqı-satqısı, habelə topdansatış ticarəti üzrə ixtisaslaşıb.

Rəqsanə İsmayılova həyat yoldaşı Fəzail Əmiraslanovla 2011-ci ildə məclislərdən birindən tanış olub. 4 illik sevgi münasibətlərindən sonra cütlük evlənmək qərarına gəliblər. 

Qeyd edək ki, Rəqsanə İsmayılova Cinayət Məcəlləsinin 178.4-cü (dələduzluq-xüsusilə külli miqdarda törədildikdə) maddəsi ilə ittiham edilir.  Bu maddənin sanksiya həddində 10 ildən 14 ilə kimi azadlıqdan məhrumetmə cəzası nəzərdə tutulur.

Amma dələduzluq cinayətində dəymiş ziyanın tam ödənilməsi və dövlət rüsumunun ödənilməsi vəziyyəti dəyişə bilər. Belə olan halda cinayət işinə bəraətverici əsaslar olmadan xitam verilə bilər.

"Səni axtarıram" layihəsinin rəhbəri və aparıcısı Xoşqədəm Hidayətqızının atası Hidayət Baxşəliyev dünyasını dəyişib.

Şəffaflıq.az  xəbər verir ki, o, bu barədə sosial şəbəkə hesabında paylaşım edib.Xatırladaq ki, X.Baxşəliyevanın anası Ofeliya xanım da aprelin 14-də vəfat etmişdi.  

Əməkdar artist Elnarə Abdullayeva bəzi sənət adamlarının geyimini tənqid edib. 

Şəffaflıq.az xəbər verir ki, müğənni sənətçiləri Cennifer Lopeslə müqayisə edib:

"Musiqi də, yemək də qayıdacaq. Bir qayıtmayan vicdandır. Azərbaycanlılar vicdanlı, qeyrətlidirlər. Bu xanım bilir ki, birinin evini dağıdıb. Xanımlarda da birgəlik yoxdur. De ki, o, filankəsin evini dağıdıb, o məkanımızda harasa girə bilməz. Çıxırlar ağızlarına gələni deyirlər, uşaqlar da bunların yolu ilə gedirlər. Soyunduqca, onlara artıq pul verirlər. Geri gedirik, daş dövrünə. Bu vicdansızlığı Allah götürməz. Dünya dağılmalıdır. Efirdə də ağızlarına gələni danışırlar. Sonra deyirlər mən danışıram. Nə deyim, günü-gündən lütlənin. Bunu bir az nizamında edin də. Sonra deyirlər Cennifer Lopez və ya başqası belə geyinir. Onlar azərbaycanlı müğənnilərdən yaxşı geyinirlər. Dünyanın harasında axmaq, gərəksiz, səviyyəsiz şey var camaatın əksəriyyəti, oxuyanlar onu götürürlər. Heç yaxşı şeyi nümunə götürən yoxdur".  (Axşam.az)