Qazaxıstanın "KazMunayQaz" (KMQ) milli şirkəti, Azərbaycan Dövlət Neft Şirkəti (SOCAR) və Rusiyanın "Tatneft" şirkətinin nümayəndələri Qazaxıstanda texnogen qəzanın nəticələrinin aradan qaldırılması üzrə birgə təlimlər keçirirlər.

Şəffaflıq.az xəbər verir ki, bu barədə Qazaxıstan KİV-ləri KMQ-yə istinadən məlumat yayıb.

Təlimlər Qərbi Qazaxıstanda yerləşən "Şərqi Makat" yatağında keçirilir.

Məlumata görə, tədbirin keçirilməsində məqsəd qarşılıqlı fəaliyyətin təkmilləşdirilməsi və sənaye təhlükəsizliyi səviyyəsinin artırılmasıdır.

"Təlimlər Azərbaycan, Qazaxıstan və Rusiyanın neft şirkətləri arasında rəqəmsal texnologiyalar və sənaye təhlükəsizliyi sahəsində əməkdaşlıq haqqında Memorandum çərçivəsində keçirilir", - məlumatda qeyd olunub.

Xəbər verildiyi kimi, 2025-ci il mayın 28-də SOCAR, "KazMunayQaz", "Tatneft" və "Uzbekneftegaz" arasında dekarbonizasiya və davamlı təşəbbüslər sahəsində əməkdaşlıq haqqında saziş imzalanıb. Saziş çərçivəsində qlobal çağırışlara birgə cavab vermək üçün konsorsium yaradılıb.

Tarif (Qiymət) Şurası “Azəristiliktəchizat” ASC-nin göstərdiyi xidmətin tarifinin tənzimlənməsi barədə” 29 dekabr 2024-cü il tarixli qərarında dəyişiklik edib.

Şəffaflıq.az xəbər verir ki, qərarı Şuranın sədri Mikayıl Cabbarov imzalayıb.

Qərara əsasən, əhali istehlakçı qrupuna göstərilən istilik xidmətinin tarifi 1 Qkal üçün ƏDV daxil olmaqla 14,6 manatdan 21 manata, sayğac quraşdırılmadığı halda isə aylıq 1 m² üçün ƏDV daxil olmaqla 0,3 manatdan 0,45 manata çatdırılıb.

Prezident İlham Əliyev “İnformasiya Təhlükəsizliyi üzrə Koordinasiya Komissiyasının yaradılması haqqında” 29 mart 2018-ci il tarixli sərəncamında dəyişiklik edib. 

Şəffaflıq.az xəbər verir ki, dövlət başçısı bununla bağlı yeni sərəncam imzalayıb. 

Sərəncama əsasən, Komissiyaya sədrlik Xüsusi Rabitə və İnformasiya Təhlükəsizliyi Dövlət Xidmətinin rəisindən alınaraq rəqəmsal inkişaf və nəqliyyat nazirinə verilib. 

Komissiyanın üzvləri isə daxili işlər nazirinin müavini, elm və təhsil nazirinin müavini, müdafiə nazirinin müavini, rəqəmsal inkişaf və nəqliyyat nazirinin müavini,  Dövlət Təhlükəsizliyi Xidməti rəisinin müavini, Xarici Kəşfiyyat Xidməti rəisinin müavini, Xüsusi Rabitə və İnformasiya Təhlükəsizliyi Dövlət Xidməti rəisinin müavini və Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin rəisi olmaqla təsdiqlənib. 

Bundan başqa, Prezident İlham Əliyev 21 fevral 2019-cu il tarixli fərmanı ilə təsdiq edilmiş “İnformasiya Təhlükəsizliyi üzrə Koordinasiya Komissiyası haqqında Əsasnamə”də dəyişiklik edib.

Bununla bağlı dövlət başçısı yeni fərman imzalayıb.

Fərmana əsasən, Əsasnamədən Komissiyanın nəzdində daimi fəaliyyət göstərən katibliyin funksiyalarını Xüsusi Rabitə və İnformasiya Təhlükəsizliyi Dövlət Xidmətinin həyata keçirməsi ilə bağlı müddəa çıxarılıb. 

Özbəkistan və Azərbaycan iki ölkə arasında səfərlər üçün xarici pasport əvəzinə biometrik pasportlardan istifadə imkanını nəzərdən keçirir.

Şəffaflıq.az Özbəkistan mediasına istinadən xəbər verir ki, bu məsələ Özbəkistanın Daxili İşlər Nazirliyinin Giriş-Çıxış və Vətəndaşların Rəsmiləşdirilməsi İdarəsi və Azərbaycan Dövlət Miqrasiya Xidmətinin nümayəndələri arasında müzakirə edilib.

Müzakirələr hər iki ölkənin xarici işlər nazirliklərinin konsulluq və hüquq departamentlərinin əməkdaşlarının iştirakı ilə keçirilib.

Özbəkistan və Azərbaycan sərhədlərini keçmək üçün biometrik ID kartlarının sənəd kimi tanınması mümkünlüyü müzakirə edilib.

Tərəflər qeyd ediblər ki, bu addım vətəndaşların hərəkətini asanlaşdıracaq, ikitərəfli münasibətləri gücləndirəcək və miqrasiya siyasəti sahəsində əməkdaşlığı genişləndirəcək.

Bununla bağlı qərarın qəbul ediləcəyi halda biometrik ID kartlardan istifadə etməklə hər iki ölkəyə səfərlər daha rahat olacaq və hər iki ölkənin vətəndaşları üçün xarici pasport almadan sərhədi keçmək imkanı yaranacaq.

Bu qərarın qəbul edilməsinin iki ölkə arasında ticari-iqtisadi, mədəni və turizm əlaqələrini gücləndirəcəyi gözlənilir.

“Bu gün yerli vaxtla saat 23:30-da (22:30 Bakı) AZAL aviaşirkətinə məxsus təyyarənin qəzaya uğraması nəticəsində faciəvi şəkildə həlak olan 3 ekipaj üzvü də daxil olmaqla 24 Azərbaycan vətəndaşının nəşi Aktaudan Bakıya göndərilib”.

Bu barədə “Report”un Qazaxıstan bürosuna Manqistau vilayətinin mətbuat katibi Gülmira Abışeva məlumat verib.

Onun sözlərinə görə, bir neçə gün ərzində meyitlərin DNT testləri və qohumların ifadələri əsasında tanınması üçün gərgin iş aparılıb: “Manqistau vilayətinin akimi həlak olanların yaxınlarına başsağlığı verir. Yerli icra hakimiyyəti orqanları bundan sonra da təyyarə qəzasında xəsarət alanların və həlak olanların ailələrinə və yaxınlarına hərtərəfli yardım göstərəcəklər”.

Qeyd olunub ki, bundan əvvəl xəsarət almış 14 Azərbaycan vətəndaşı tibbi yardım göstərildikdən sonra Vətənə gəlib.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb. Qəzadan sonra xəstəxanaya 27 şəxs daxil olub. Onlardan 15 nəfər Azərbaycan Respublikasının, 8 nəfər Rusiya Federasiyasının, 3 nəfər Qırğızıstan Respublikasının vətəndaşıdır. Bir nəfərin şəxsiyyəti hələlik müəyyən edilməyib.

Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb. Dekabrın 26-da Azərbaycana 14 yaralı və 4 nəfərin meyiti gətirilib.

Qeyd edək ki, hadisədən sonra dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Eyni zamanda Prezident İlham Əliyev dekabrın 26-nın Azərbaycanda matəm günü elan olunması barədə sərəncam imzalayıb.

Şəffaflıq.az

Təyyarə qəzasında ölən digər 22 nəfərin meyiti zəruri tədbirlər bitdikdən sonra Azərbaycana gətiriləcək.

 Şəffaflıq.az xəbər verir ki, bu barədə Təyyarə qəzasının səbəblərinin araşdırılması üçün yaradılmış Dövlət Komissiyasının dekabrın 27-də keçirilmiş iclasında bildirilib.

Bununla yanaşı, Dövlət Komissiyasının üzvlərinə hadisədə xəsarət alanlara və həlak olan şəxslərin ailələrinə zəruri maddi yardım və mənəvi-psixoloji dəstək göstərilməsi ilə bağlı məsələlərin qısa zamanda və çevik həll edilməsi tapşırılıb.

Qeyd edək ki, qəza nəticəsində həlak olmuş 26 Azərbaycan vətəndaşından 4-nün meyiti dekabrın 26-da ölkəyə gətirilib.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.

Qəzadan sonra xəstəxanaya 27 şəxs daxil olub. Onlardan 15 nəfər Azərbaycan Respublikasının, 8 nəfər Rusiya Federasiyasının, 3 nəfər Qırğızıstan Respublikasının vətəndaşıdır. Bir nəfərin şəxsiyyəti hələlik müəyyən edilməyib.

Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb.

Dekabrın 26-da Azərbaycana 14 yaralı və 4 nəfərin cəsədi gətirilib.

Qeyd edək ki, hadisədən sonra dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Eyni zamanda Prezident İlham Əliyev dekabrın 26-nın Azərbaycanda matəm günü elan olunması barədə sərəncam imzalayıb.

COP29 Sədrliyi tərəfindən təşkil və idarə olunan, eləcə də icmaların iştirakı, texnoloji həllər və qlobal əməkdaşlığı ehtiva edən Yaşıl Zona iqlim məsələləri ilə bağlı müxtəlif maraqlı tərəflərin - dövlət və özəl sektor təmsilçiləri, media, elm adamları, ekspertlər, yerli icmalar, vətəndaş cəmiyyəti institutları və rəsmi Mavi Zona nümayəndələrinin daxil olduğu geniş iştirakçı auditoriyasının bir araya gələcəyi məkandır.

Şəffaflıq.az xəbər verir ki, müxtəlif sahələrdə dayanıqlılıq və iqlim fəaliyyəti ilə bağlı bir sıra təşəbbüs və müzakirələr üçün platforma olan COP29 Yaşıl Zonasının proqramı iqlim dəyişmələri üzrə həllərin təşviqində gənclərin, eləcə də qadın və yerli icmaların daha geniş iştirakını ehtiva edir. Bundan əlavə, Yaşıl Zona dayanıqlı inkişaf naminə QHT-lər, eləcə də şirkət və ali təhsil müəssisələri arasında əməkdaşlığın genişləndirilməsini də təşviq edir.

İqlim fəaliyyəti ilə yaxından tanış olmaq istəyənlər üçün açıq olan Yaşıl Zonaya biletləri

Yaşıl Zona biletləri haqqında daha ətraflı məlumatı COP29 rəsmi veb-saytının

İqtisadiyyat Nazirliyi yanında Dövlət Vergi Xidməti (DVX) Bakı şəhərində iaşə və pərakəndə ticarət fəaliyyəti ilə məşğul olan daha 120 vergi ödəyicisinə maliyyə sanksiyaları tətbiq edib.

Məlumata görə, pərakəndə ticarət və iaşə obyektlərində nağdsız ödənişlərin POS-terminal deyil, kartdan-karta köçürülməklə həyata keçirilməsi hallarının qarşısının alınması məqsədilə nəzarət tədbirlərini davam etdirir. Son günlər ərzində Bakı şəhərində keçirilmiş nəzarət tədbirləri zamanı 120-dən çox belə obyektdə qanun pozuntularına yol verilməsi faktları aşkarlanıb. Qanun pozuntuları protokollaşdırılıb və müvafiq maliyyə sanksiyaları tətbiq olunub.

Nağdsız ödənişlərin qəbulu yalnız POS-terminal vasitəsilə həyata keçirilməli və bu zaman vətəndaşlara POS-terminalın qəbzi ilə yanaşı nəzarət-kassa aparatının çeki də təqdim olunmalıdır. Mövcud qanunvericiliyə əsasən, istehlakçılara elektron ödəniş etmək imkanının yaradılması vergi ödəyicilərinin birbaşa vəzifələrinə aiddir. Sahibkarlar maliyyə sanksiyalarına məruz qalmamaq üçün nağdsız ödəmələr zamanı POS-terminallardan istifadəni təmin etməlidirlər.

Şəffaflıq.az

Artıq bir neçə həftədir ki, MİDA-nın Hövsandakı yaşayış kompleksinin sakinləri problemlə üz-üzə qalıblar. Belə ki, kompleksin işıq təminatında böyük fasilələr yaranır.  

Bina sakinlərinin redaksiyamıza verdiyi məlumata görə, binanın elektrik enerjisi ilə təminatı bərbad vəziyyətdədir: 

“Tez- tez gecə saatlarında qısaqapanmalar olur. Dəfələrlə bu barədə soruşsaq da, bizə dəqiq səbəb deyilmir. Xüsusilə gecə saatlarında, bəzən də sakinlərin yuxuda olduğu vaxt enerji kəsilir. Sakinlərin onsuz da çətinliklə aldığı məişət avadanlıqları xarab olur. Amma buna görə kimsə məsuliyyət daşımır”.

Sakinlər bildiriblər ki,  yaşayış kompleksində elektrik təhlükəsizliyi üzrə mühəndis ştatı olsa da, bu vəzifəni kimin tutduğu məlum deyil:

“Bir neçə sakinin kombi aparatı, kondisioner və soyuducusu yanıb,  qısaqapanmalara görə sakinlərin hətta həyatı da təhlükədədir.  Amma buna görə məsuliyyət daşıyan, sakinlərə cavab verən, bu problemin səbəbini açıqlayan və aradan qaldıran yoxdur.

 “Azərişıq” müraciətlərə məhəl qoymur, yaranmış texniki problemi aradan qaldırmaq üçün heç birfəaliyyət göstərmir.
Sədr isə ümumiyyətlə, sakinlərin şikayətlərini dinləmək üçün bircə dəfə də olsun yolunu bu kompleksdən salmayıb. Ona görə də sakinlərin üzləşdiyi heç bir problemdən xəbərdar deyil”.

Sakinlər deyirlər ki, şikayətlərini çatdırmaq üçün ünvan və ya vəzifəli şəxs tapmırlar:

"Bu kompleksdə sosial müdafiəyə ehtiyacı olanlar yaşayırlar. Adı da üstündədir-sosial evlər. Amma bu, işinə məsuliyyətsiz yanaşanları qətiyyən narahat etmir. Hansısa kommunal xidmətə görə kiçik borca görə dəfələrlə sakini narahat edən qurumlar yaranmış problemi aradan qaldırmaq üçün bir cəhd belə etmirlər".
“Bakufakt.az”

Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Sədrliyi iqlim dəyişikliyi ilə mübarizədə ambisiyaların artırılmasına və fəaliyyətin sürətləndirilməsinə yönəlmiş bir sıra yeni təşəbbüs, bəyannamə və öhdəliklər təqdim edib.

Şəffaflıq.az xəbər verir ki, bu barədə COP29-un müəyyən edilmiş prezidenti Muxtar Babayevin Bakıda keçiriləcək BMT-nin iqlim sammitində sədrlik proqramı çərçivəsində doqquz bəyannamə və öhdəliyin yekun variantlarının yer aldığı məktubunda deyilir.