Dövlət-din münasibətlərinin tənzimlənməsində müsbət nəticələr gözlənilir.

Şəffaflıq.az xəbər verir ki, bunu Ağdamda tışkil olunan "Dövlət-din münasibətlərində hüquqi və institusional mexanizmlər" mövzusunda regional konfransı çərçivəsində jurnalistlərə açıqlamasında Dini Qurumlarla İş üzrə Dövlət Komitəsi sədrinin müavini Gündüz İsmayılov deyib.

Onun sözlərinə görə, komitənin təşkil etdiyi bu silsilə tədbirlərin məqsədi ölkədə dini maarifləndirmənin gücləndirilməsidir:

""Dini Qurumlarla İş üzrə Dövlət Komitəsi bölgələrdə təşkil etdiyi tədbirlərin məqsədi dini maarifləndirmə, eyni zamanda, dini radikalizmlə mübarizə, zərərli təsirlərin aradan qaldırılması, məzhəbçilklə mübarizə, dövlət-dini münasibətlərinin tənzimlənməsi istiqamətində fəaliyyət göstərən aidiyyatı qurumların birgə işinin daha da təkmilləşdirilməsidir. Bu tədbirlərdə konkret bölgələrdən olan din xadimləri, dini icmaların üzvləri, ağsaqqallar, bu sahədə fəaliyyət göstərən qurumların nümayəndələri aktiv iştirak edirlər. Bu cür tədbirlərin nəticəsi olaraq, dövlət-din münasibətlərinin tənzimlənməsində müsbət nəticələr gözləyirik".

Ötən gün ADPU Tarix və coğrafiya fakültəsi Tələbə Elmi Cəmiyyəti Quba Soyqırımı Memorial Kompleksi ilə birgə 31 mart Azərbaycanlıların soyqırımının 108-ci ilinə həsr olunmuş "Mart soyqırımı: dünənin tarixi, bu günün yaddaşı" adlı elmi-praktiki seminar keçirdi.

Şəffaflıq.az xəbər verir ki, tədbiri giriş sözü ilə açan TEC sədri, tarix üzrə fəlsəfə doktoru, dosent Taleh Cəfərov mart soyqırımı zamanlı, eləcə də l və II Qarabağ müharibələri zamanı şəhid olmuş soydaşlsrımızın  xatirəsi 1 dəqiqəlik sükutla yad edildi

Daha sonra məruzə edən AMEA-nın Şərqşünaslıq İnstitutunun Cənubi Azərbaycan şöbəsinin aparıcı elmi işçisi, tarix üzrə fəlsəfə doktoru Həsən Səfəri 1918-ci ildə ermənilərin xalqımıza qarşı soyqırımının ən ağır faciələrinin məhz Cənubi Azərbaycan şəhərlərində -Xoy, Səlmas, Təbrik və digərlərində baş verdiyini qeyd etdi.

Daha sonra məruzə edən Quba Soyqırımı Memorial Kompleksinin mütəxəssisi, tarix üzrə fəlsəfə doktoru, dosent Sübhan Talıblı Mart qırğınının hüquqi tərəflərinə, onun soyqırımı olmasının əsaslarını, bunun üçün Təbrizdə kitab çap etdirdiyini qeyd etdi.

O zaman ermənilərin Arazın o tayında ümumilikdə 130-dən çox dinc əhalini qətlə yetirdiyini və burada xristian dövlətin yaradılması planlaşdırıldığı qeyd edildi.

Daha donra Məruzə edən Fakültə TEC sədri, tarix üzrə fəlsəfə doktoru Taleh Cəfərov mart hadisələrini doğuran səbəblər, onun gedişatı, coğrafiyası, soyqırımın tətbiqi üsulları, dəymiş zərərin miqyası, soyqırımın cəlladlarının gizli planları və digər məsələr ətrafında əhatəli çıxş etdi.

Sonra mart soyqırımına dair video çarx nümayiş etdirildi.

sonra Fakültə TEC tələbələri Həmzəyeva Zəhra və Quliyeva Aytac çıxış edərək 1918-ci ildə Zəngəzur, Naxçıvan və Qarabağda, eləcə də Quba və Şamaxı qəzalarında erməni cəlladları, Andranik Ozanyan, Dro Kanyan, Hamazasp və Lalayanın Şaumyanın tapşırığı əsasında dinc türk-müsəlman əhaliyə qarşı amansız şəkildə soyqırımı törətdikləri qeyd olundu. Sonda qonaqlara xatirə fotosu çəkildi.

Azərbaycanda Qurban bayramı və Müstəqillik Günü ilə əlaqədar qeyri-iş günlərinin tarixləri müəyyənləşib.

Şəffaflıq.az xəbər verir ki, Azərbaycan Respublikası Əmək və Əhalinin Sosial Müdafiəsi Nazirliyi Kollegiyasının müvafiq qərarına əsasən, bu il 27-28 may tarixləri Qurban bayramına təsadüf edir.

Eləcə də, 28 may tarixində ölkədə Müstəqillik Günü də qeyd olunacaq.

Əmək Məcəlləsinin tələblərinə uyğun olaraq, bayram günlərinin üst-üstə düşməsi ilə əlaqədar əlavə istirahət günü müəyyən edilib. Bu səbəbdən 29 may tarixi də qeyri-iş günü sayılacaq.

Beləliklə, beş günlük iş həftəsində çalışanlar üçün 27, 28, 29, 30 və 31 may tarixləri qeyri-iş günü olacaq.

Qeyd edək ki, 9 may - Faşizm üzərində Qələbə Günü bu il şənbə gününə təsadüf etdiyindən, Əmək Məcəlləsinə uyğun olaraq 11 may tarixi də qeyri-iş günü hesab ediləcək.

Bununla da, həftəsonları da daxil olmaqla may ayında ümumilikdə 14 gün iş olmayacaq.

Redaksiyamıza Yevlax şəhər 31-ci məhəllə bina 10, ev 43-də yaşayan Pəri Yusifova tərəfindən müraciət daxil olmuşdur. Həmin müraciəti olduğu kimi oxuculara təqdim edirik və ananın fəryadına qoşularaq Azərbaycan Xalqından onlara köməklik olunmasını xahiş edirik. 

Bu məktubu sizə bir ana ürəyinin ağrısı ilə yazıram. Ümid edirəm ki, səsim sizə çatacaq və biganə qalmayacaqsınız.

e-mailinizi internetdən götürmüşəm.

Mən Yusifova Pəri Natiq qızı, bildirirəm ki, oğlum Yusifli Camal Yasin oğlu ağır serebral iflic xəstəsidir. Balama  həkimlər 1-ci qrup serebral iflic diaqnozu qoyublar. Balam bütün gününü xəstəxana otaqlarında, müalicə masalarında keçirir. Digər uşaqlar qaçıb oynayarkən, mənim balam ağrı ilə mübarizə aparır. Yalvarıram sizə, bir ana kimi xahiş edirəm mənimlə əlaqə saxlayın və saytınızda paylaşın balama dəstək olsunlar. 

Balamın yaşaması və bir az da olsa normal həyata yaxınlaşması üçün davamlı müalicələr, masajlar, reabilitasiya və botoks iynələri vacibdir. Təəssüf ki, bu müalicələrin xərci bizim imkanlarımızı çoxdan aşıb. Maddi vəziyyətimiz artıq buna tab gətirmir.

Bir ana kimi mənə ən ağır olanı isə övladının ağrısını görüb, ona kömək edə bilməməkdir. Gecələr balamın üzünə baxıb öz-özümə “sabah müalicəni necə etdirəcəyəm?” sualını vermək məni içimdən parçalayır. Bədəninin tonuslarına gore botoks iynəsi vurulmalıdır. Bu, davamlı vurulan iynədir və bir kapsulasının qiyməti 1200 manatdır. İynələrdən sonra masaj və idmanlara başlamalıdır. Dövlət Orqanlarına dəfələrlə muraciət etmişəm, iynənin qarsılanmağı ilə bağlə. Amma köməklik göstərilmir. Dövlət xəstəxanasında müalicə olmur, həmin iynə özəl Klinikada vurulur. İmkanımız olmadığından elətdirə bilmirik. Uşağın bədəni, qolu qıçı yığılıb sudurğaları artır mualicələri geriliyəndə uşagın vəziyyəti də pisləşir. Onun nə qədər ömrü varsa, mualicələr də olmalıdır. Balamı bu həyata iynə dərmanlarla bağlayırıq xahiş edirəm bu çətin günümüzdə balama dəstək olun. 

Hörmətli "Şəffaflıq" mediasının rəhbərliyi, bu səbəbdən sizə üz tuturam. Sizdən yalvarışla xahiş edirəm balama gücünüz və imkanınız çatanda dəstək olasınız. Nə köməklik göstərsəniz bir ümid olar, balam üçün bizə zəng edib hər şeyi canlı görə bilərsiniz. Buna dair bütün tibbi sənədləri Sizə göndərirəm hamsına baxa bilərsiniz. 

4169 7388 5291 6208 kapital bank

Köməklik etməzdən əvəl, zəng edib usağı görə bilərsiniz. 

Əgər bir insanın, bir balanın taleyinə toxuna biləcəksinizsə, inanıram ki, siz bunu edəcəksiniz.

Əlaqə nömrəm: 055 661 37 81

Hörmətlə və ümidlə,Yusifova Pəri.

Şahmat üzrə Azərbaycan millisinin liderləri Şəhriyar Məmmədyarov və Rauf Məmmədov ölkə çempionatında mübarizəyə 1/8 finaldan başlayacaqlar.

Şəffaflıq.az-ın məlumatına görə, hər iki qrossmeyster 1/16 final mərhələsindən azaddır.

Ş.Məmmədyarov 1/8 finalda Murad İbrahimli - Vüqar Manafov cütünün qalibi ilə, R.Məmmədov isə Azər Mirzəyev - Şiroğlan Talıbov duelinin güclüsü ilə görüşəcək.

Həm qadınların, həm də kişilərin mübarizəsində ilk partiyalar fevralın 8-də baş tutacaq.

Dini Qurumlarla İş üzrə Dövlət Komitəsinin sədri Ramin Məmmədov Sumqayıtda yerləşən "Cümə", "Ceyhun xanım və Hacı Əhməd" məscidlərinin, "Müqəddəs Sarovlu Serafim" kilsəsi və "Sumqayıt Yəhudiləri" dini icmasının ibadət evinin fəaliyyəti ilə tanış olub, din xadimləri ilə görüşüb.

Bu barədə Şəffaflıq.az-a komitədən məlumat verilib.

Qeyd edilib ki, görüşlər zamanı Ramin Məmmədov Azərbaycan Prezidenti İlham Əliyevin rəhbərliyi ilə ölkədə dini tolerantlıq və multikulturalizm dövlət siyasətinin prioritet istiqamətləri kimi ardıcıl dəstəkləndiyini vurğulayıb. Komitə sədri bildirib ki, dini sahədə həyata keçirilən dövlət siyasəti təsadüfi xarakter daşımır, milli maraqlara əsaslanan, düşünülmüş və uzunmüddətli strategiyanın tərkib hissəsi olmaqla cəmiyyətdə ideoloji bütövlüyün möhkəmləndirilməsinə, dini müxtəlifliyin milli həmrəyliyin əsas dayaqlarından birinə çevrilməsinə xidmət edir.

Ramin Məmmədov söyləyib ki, dövlət-din münasibətlərində tarazlığın qorunması, radikal meyillərə qarşı preventiv yanaşmanın tətbiqi və sağlam dini mühitin təşviqi Azərbaycanın sabitlik və təhlükəsizlik modelinin mühüm elementlərindəndir.

Komitə sədri, eyni zamanda sosial şəbəkələrdə dini mövzuların məsuliyyətli və düşünülmüş şəkildə təqdim edilməsinin vacibliyinə toxunub. Bildirilib ki, rəqəmsal platformalar vasitəsilə dini biliklərin təhrif olunmuş formada yayılması cəmiyyət üçün ideoloji risklər yarada bilər. Bu baxımdan din xadimlərinin sağlam dini düşüncənin və milli-mənəvi dəyərlərin təbliğində fəal mövqe tutmasının əhəmiyyəti vurğulanıb, radikal və yad ideoloji təsirlərin qarşısının alınmasında sosial medianın maarifləndirici imkanlarından məqsədyönlü istifadənin önəmi qeyd edilib.

Din xadimləri ölkədə formalaşmış birgəyaşayış ənənəsinin davamlı inkişafına, dini icmaların azad, qanunvericiliyə uyğun fəaliyyət göstərməsi üçün yaradılan əlverişli şəraitə, habelə dövlət-din münasibətlərinin qarşılıqlı hörmət və etimad prinsipləri əsasında tənzimlənməsinə görə dövlət başçısına minnətdarlıqlarını ifadə ediblər.

Dini Qurumlarla İş üzrə Dövlət Komitəsinin sədri Ramin Məmmədov Qobustan şəhərində yerləşən "Cümə" və "Heydər" məscidlərini, həmçinin "Diri Baba" türbəsini ziyarət edib.

Şəffaflıq.az xəbər verir ki, bu barədə qurum məlumat yayıb.

Bildirilib ki, dini ibadət yerlərində yaradılmış şəraitlə tanış olan Ramin Məmmədov din xadimləri ilə görüşlər zamanı ölkədə dövlət-din münasibətlərinin sağlam əsaslar üzərində qurulduğunu, milli-mənəvi dəyərlərin qorunması, tolerantlıq və qarşılıqlı hörmət mühitinin möhkəmləndirilməsinin cəmiyyətin sabit inkişafında mühüm rol oynadığını qeyd edib.

O, dini müxtəlifliyin düzgün təbliğinin cəmiyyətdə ayrı-seçkilik və qarşıdurma yaratmaq cəhdlərinin qarşısının alınmasında vacib amil olduğunu deyərək maarifləndirici layihələr, o cümlədən dini qurumlarla əməkdaşlığın gücləndirilməsinin zəruriliyinə toxunub.

Dövlət Komitəsinin sədri vurğulayıb ki, din xadimləri insanların mənəvi tərbiyəsində və milli-mənəvi dəyərlərin aşılanmasında xüsusi məsuliyyət daşıyırlar. İbadət evlərinə müntəzəm səfərlərin əsas məqsədi onların fəaliyyəti ilə yerində tanış olmaq, həmçinin qarşıda duran prioritetlər barədə fikir mübadiləsi aparmaqdır.

Din xadimləri Azərbaycan dövlətinin tolerantlıq və multikulturalizm siyasətinin cəmiyyətin bütün təbəqələri, o cümlədən dini icmalar tərəfindən dəstəkləndiyini, dini-mənəvi dəyərlərin qorunması və inkişafı məqsədilə həyata keçirilən tədbirlərdə bundan sonra da fəal iştirak etməyə hazır olduqlarını diqqətə çatdırıblar.

İslam dininə aid ibadət yerlərində vakant vəzifələrin tutulması üçün müsahibə elan edilib.

Bu barədə Dini Qurumlarla İş üzrə Dövlət Komitəsindən məlumat verilib.

Qeyd edilib ki, Komitə imam vəzifəsi üzrə 17, imam müavini vəzifəsi üzrə 31 məsciddə vakant yer elan olunub.

Bununla bərabər, kişi dini ayinlərin icraçısı vəzifəsi üzrə 9, qadın dini ayinlərin icraçısı vəzifəsi üzrə isə 4 məsciddə müsahibə elan edilib.

Müsahibədə iştirak etmək istəyən namizədlər 26 yanvar 2026-cı il saat 9:00-dan 25 fevral 2026-cı il saat 18:00-dək sənədləri elektron qaydada sened@scara.gov.az adresinə və ya kağız daşıyıcıda Dini Qurumlarla İş üzrə Dövlət Komitəsinə (Bakı şəhəri, Səbail rayonu, Əhməd Cavad küçəsi, 16, AZ 1001) təqdim etməlidirlər.

Şəffaflıq.az