Koronavirusun iki unikal mutasiyası aşkarlandı
12-05-2020, 22:33
Estoniyanın Tartu Universitetinin alimləri koronavirusun mutasiyaya uğramış iki unikal ştammını aşkarlayıblar.
Şəffaflıq.az xəbər verir ki, universitetin mətbuat xidmətinin verdiyi açıqlamaya görə, sözügedən ştammlar yalnız Estoniyada müşahidə olunub: “Çində aşkarlanan mutasiyalarla müqayisədə Estoniyada bir çox yerdə tapılan 8 mutasiya ilə yanaşı yalnız bu ölkədə görülən 2 unikal mutasiya da aşkarlanıb”.
Bildirilir ki, iki mutasiya olunmuş ştamm ölkədə 6 xəstədə aşkarlanan koronavirusun genom ardıcıllığının öyrənilməsi zamanı müəyyən olub.
Tartu Universitetinin bionformatika mütəxəssisi Aare Abroy təhlil edilən bütün ştammların SARS-CoV-2 virusunun A2a qrupuna aid olduğunu bildirib. Onun yayılmasının Şimali İtaliya ilə əlaqəli olduğu və əsasən Avropada yayıldığı bildirilib.
Geri qayıt