Bu ilin yanvar-may aylarında Azərbaycan 38 min 418 ton kartof ixrac edib.
Dünən, 11:55
Bu ilin yanvar-may aylarında Azərbaycan 38 min 418 ton kartof ixrac edib.
Şəffaflıq.az Dövlət Gömrük Komitəsinə istinadən xəbər verir ki, bu həcmdə kartofun dəyəri 14 milyon 603 min ABŞ dolları olub.
Bu, ötən ilin eyni dövrü ilə müqayisədə həcm baxımından 18 min 361 ton (32,3 %), dəyər baxımından isə 7 milyon 907 min dollar (35,1 %) azdır.
Hesabat dövründə kartof ixracından əldə edilən gəlir Azərbaycanın ixrac gəlirlərində cüzi paya malik olub.
Bu ilin yanvar-may aylarında Azərbaycan xarici ölkələrlə 20 milyard 788 milyon ABŞ dolları dəyərində ticarət əməliyyatı aparıb. Xarici ticarət dövriyyəsinin 13 milyard 970 milyon ABŞ dolları ixracın, 6 milyard 818 milyon ABŞ dolları isə idxalın payına düşüb. Son 1 ildə ixrac 27 % artıb, idxal isə 31,6 % azalıb.
Geri qayıt