Beyləqanda maşın kanala aşdı, üç nəfər suda boğulub ölüb
26-04-2021, 20:51
Beyləqan rayonunda üç nəfərin ölümü ilə nəticələnən ağır yol nəqliyyat hadisəsi baş verib.
Şəffaflıq.az xəbər verir ki, rayonun Şahsevən kəndi ərazisində VAZ-21901 markalı avtomobil körpüdən su kanalına aşıb.
Nəticədə avtomobildəki sərnişinlər - Yeni Mil qəsəbə sakini Mehman Qarayev, Sabirabad rayon sakini Azər Əhədov və Bakı şəhər sakini Elnur Həsənov suda boğularaq həlak olub, sürücü Akşin Cəfərov isə xəstəxanaya yerləşdirilib.
Həkimlər onun vəziyyətinin ağır olduğunu bildirirlər.
Faktla bağlı araşdırma aparılır.
Geri qayıt