Çində koronavirusa yoluxma yenidən artır
29-07-2020, 09:02
Çində son sutka ərzində koronavirusa 74 aktiv, 27 simptomsuz yoluxma halı aşkarlanıb.
Şəffaflıq.az xəbər verir ki, bu barədə Çinin Səhiyyə Məsələləri üzrə Dövlət Komitəsi məlumat yayıb.
Yoluxanların 98-i Çinin Sincan-Uyğur muxtar regionunun inzibati mərkəzi olan Urumçi şəhərinin sakinləridir.
Ümumilikdə epidemiya dövründə Çində koronavirusa 84 060 yoluxma qeydə alınıb, 4 634 nəfər ölüb, 78 944 xəstə sağalıb.
Hazırda virusa yoluxmuş 482 nəfərin xəstəxanalarda müalicəsi davam etdirilir.
Geri qayıt