Koronavirus Çin iqtisadiyyatını çökdürür – Birinci rübdə itki 143.1 milyard dollar təşkil edəcək

 

Çində koronavirusun yeni ştammının (COVID-2019) yayılması artıq ölkə iqtisadiyyatına öz təsirini göstərməyə başlayıb. Belə ki, 2020-ci ilin birinci rübündə dünya iqtisadiyyatında ikinci yerdə qərarlaşan Çinin demək olar ki, itkisi 1 trilyon yuan (143.1 milyard dollar) təşkil edəcək.

RİA “Novosti” xəbər verir ki, bu barədə “Tayhe” analitik mərkəzinin tədqiqatçısı Cjan Çzyajuy bildirib.

Onun sözlərinə görə, hazırda iaşə sektoru, turizm və pərakəndə satış sahələri ziyana işləyir:

“Ölkə rəhbərliyi davamlı olaraq epidemiyanın iqtisadiyyata təsirinin müvəqqəti və qısamüddətli olduğunu bəyan edir, virusun qarşısı alındıqdan sonra həm istehlakçı tələbatın artacağını, həm də iqtisadi inkişafın sürətlənəcəyini vəd edir. Lakin, koronavirus xəstəliyi bir sıra müəssisələrin iflasına səbəb ola bilər”.

Ekspert bildirib ki, hökumət xəstəliyin yayılmasının qarşısını almaq üçün bir sıra ciddi və qabaqlayıcı tədbirlər gördü: “Məsələn, Hubey əyalətində yerləşən Vuhan şəhəri daxil olmaqla bir neçə şəhərdə, Yeni il tətili üçün nəzərdə tutulan istirahət günlərinin sayını çoxaltdı, tədbirlərin keçirilməsinə qadağa qoydu və ölkə daxilindəki səyahətlərin sayını azaltmaq üçün hava və qatar biletlərinin pulsuz olaraq geri qaytarılmasını təmin etdi.

Bu tədbirlər epidemiyanın yayılmasının qarşısını almaq üçün həqiqətən zəruri idi, lakin bu obyektiv olaraq onlar Çinin makro və mikroiqtisadiyyatına da əhəmiyyətli dərəcədə təsir göstərdi”.

Cjan Çzyajuy bildirib ki, virusun ilk zərbəsinə iaşə və otel sənayesi tuş gəldi: “2019-cu ilin ilk rübündə onların gəliri 423.49 milyard yuan təşkil etmişdi və 2020-ci ilin birinci rübündə epidemiya bu iki sənayeyə ağır zərbə vuracaq. Qida xidməti sənayesinin bəzi iştirakçıları qida təchizatı xidmətləri sayəsində az gəlir əldə etsələr də, bu okeanda bir damcı deməkdir”.

O, əlavə edib ki, turizm sənayesi əsas ziyan görən sahələrdən biridir: “2019-cu ilin birinci rübündə bu sahənin yalnız Yeni il tətillərində qazancı təxminən 500 milyard dollar təşkil etdiyi halda bu il demək olar ki, heç bir qazancları olmayıb. Şübhəsiz ki, bu vəziyyət pərakəndə satışa da təsir göstərib. Lakin, onlayn satış sayəsində pərakəndə ticarətin zərərini müəyyən qədər kompensasiya etmək mümkün oldu”. 

Şəffaflıq.az




Xəbəri paylaş


Facebook-da paylaş


{sape_links}{sape_article}